Մայրուղիների արևային մարտկոցները կփակեն համաշխարհային էներգիայի սպառման ավելի քան 60%-ը

Գիտնականները հաշվարկել են, որ եթե Երկրի բոլոր մայրուղիները ծածկված լինեին արևային մարտկոցներով, ապա դրանք կարող էին արտադրել մեկ տարվա ընթացքում ամբողջ աշխարհի սպառած էներգիայի ավելի քան 60%-ը: Հետազոտությունը հրապարակվել է Earth's Future ամսագրում, որը հրապարակել է Ամերիկյան երկրաֆիզիկական միությունը, գրում է Focus.ua-ն:

Երկրի վրա կառուցված են 3,2 միլիոն կիլոմետր երկարությամբ մայրուղիներ, ինչը բավական է հասարակածի շուրջ 251 անգամ պտտվելու համար: Չինաստանի Գիտությունների ակադեմիայի գիտնականներ Լինգ Յաոն և Հոու Ցզյանը հաշվարկել են նման ճանապարհների վրա արևային տանիքների տեղադրման ծախսերն ու օգուտները: Տեսականորեն պարզ օրերին նման ֆոտովոլտային մոդուլները էլեկտրաէներգիա կարտադրեն, իսկ վատ եղանակին կպաշտպանեն մեքենաները։

«Մայրուղիներում ֆոտոգալվանային տանիքներ տեղադրելու փորձնական ծրագրեր կան, բայց ոչ մեր պատկերացրած մասշտաբներով: Երկրի մայրուղիները արևային տանիքներով ծածկելը կարող է տարեկան 17,58 pWh էլեկտրաէներգիա արտադրել, ինչը համարժեք է աշխարհում սպառվող էլեկտրաէներգիայի ընդհանուր սպառման ավելի քան 60%-ին»,- ասել է հետազոտության գլխավոր հեղինակ Լինգ Յաոն։

Գիտնականը կիսվել է, որ այդ միտքն իր մոտ ծագել է աշխատանքի գնալիս։ Նա հասկացել է, որ ճանապարհները միմյանց հետ կապված են հսկայական ցանցով, և այն շատ լավ կարող է վերածվել ֆոտովոլտային համակարգերի ցանցի։

Վերջին տարիներին ավելացել են արևային տանիքներով ավտոկայանատեղերը, սակայն ֆոտոգալվանային ծածկով և տանիքներով ճանապարհները դեռևս սկզբնական փուլում են: Իրականում դրանք թանկ նախագծեր են, անհրաժեշտ են միլիարդավոր վահանակներ: Ըստ Լինգ Յաոյի, աշխարհի մայրուղիների և խոշոր տրանսպորտային զարկերակների վրա արևային տանիքներ տեղադրելու համար կպահանջվի 52,3 միլիարդ արևային մարտկոց: Ճանապարհների վերևում գտնվող մոդուլները կարտադրեն տարեկան մինչև 17578 տերավատ/ժամ էլեկտրաէներգիա ամբողջ աշխարհում, ինչը չորս անգամ գերազանցում է ԱՄՆ-ի տարեկան էներգիայի արտադրությունը: Ծախսերը և էլեկտրաէներգիայի արտադրության ներուժը կտարբերվեն կախված աշխարհագրական դիրքից, կայանքների մեծ մասը կկառուցվեն խիտ բնակեցված տարածքների մոտ՝  ինչպիսիք են Արևելյան Չինաստանը, Արևմտյան Եվրոպան և Միացյալ Նահանգների արևելյան ափը:

Մայրուղիների վրա արևային տանիքի նախագիծը շատ առավելություններ ունեն: Հետազոտողները կարծում են, որ մայրուղիների ֆոտոգալվանային մոդուլները կօգնեն պայքարել գլոբալ տաքացման դեմ: Ներկայումս քանի որ արևային մարտկոցների արժեքը նվազում է, նման նախագծերը կարող են օգնել գլոբալ անցմանը դեպի կայուն էներգիայի: Չինացի գիտնականները պարզել են, որ արևային մայրուղիները կարող են մեկ տարում արտադրել այնքան էլեկտրաէներգիա, որը կնվազեցնի գլոբալ արտանետումները 28%-ով։

Հետազոտությունը նաև ցույց է տալիս, որ մայրուղիների արևային տանիքները կարող են նվազեցնել 10,8%-ով աշխարհում ճանապարհատրանսպորտային մահերը, հատկապես այն շրջաններում, որտեղ անձրևներն ու ձյունը շատ է: Բացի դա որքան անվտանգ են ճանապարհները, այնքան ավելի քիչ են տնտեսական ծախսերը վթարների պատճառով: 

Գիտնականները ընդունում են, որ մայրուղիների վերևում վահանակների տեղադրումը կպահանջի մասնագիտացված ֆոտոգալվանային կայանքներ, որոնց արտադրությունն ու պահպանումը պոտենցիալ չորս անգամ ավելի թանկ են, քան ցամաքային համարժեք սարքավորումները: Բացի այդ, պետք է պարզել, թե ինչպե՞ս կանոնավոր կերպով մաքրել այդ միլիարդավոր վահանակները ձյունից, ջրից և կեղտից, որպեսզի դրանք միշտ արդյունավետ աշխատեն:

Լինգ Յաոն հուսով է, որ փոքր փորձնական ծրագրերը հաջող կլինեն, և երկրները կսկսեն ավելի մեծ մասշտաբներով մայրուղիների արևային տանիքներ կառուցել: Նա կարծում է, որ պանելներն ամենահեշտը կլինի տեղադրել մայրուղու երկար, հարթ հատվածներում, ինչպես Միացյալ Նահանգների հարավ-արևմուտքում է:

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը 

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]