Պապիկյանը Կորեայում նաև ատոմակայանի հարցեր է քննարկելու
ՀՀ պաշտպանության նախարար Սուրեն Պապիկյանն աշխատանքային այց է կատարել Հարավային Կորեա։ Ըստ պաշտոնական հաղորդագրության, Պապիկյանը մասնակցել է նախարարական աշխատանքային ճաշին և քննարկումներին, քննարկվել են գագաթնաժողովի թեմային՝ արհեստական բանականության ռազմական նշանակությամբ պատասխանատու կիրառման խրախուսմանն առնչվող հարցեր: Մի շարք գործընկերների ու միջոցառմանը մասնակցող փորձագիտական շրջանակի հետ քննարկվել են նաև միջազգային և տարածաշրջանային անվտանգության մարտահրավերներին ու երկկողմ և բազմակողմ հարաբերությունների զարգացմանն առնչվող հարցեր: Թեպետ չի նշվում, բայց Պապիկյանի այցի հիմնական ուղղություններից մեկը միջուկային էներգիան է, մասնավորապես, կորեական շարժական ատոմակայանի կառուցման հնարավորությունները։
Իշխանությունը հենց Պապիկյանին է գործուղել այդ հարցերը քննարկելու, որպեսզի ավելորդ խնդիրներ չհարուցի։ Ի վերջո, Սուրեն Պապիկյանը եղել է տարածքային կառավարման նախարարը, լավ տեղյակ է ատոմակայանի և հարակից հարցերից։ Կորեան ԱՄՆ և ՌԴ հետ այն պետություններից է, որ Հայաստանին նոր ռեակտոր կառուցելու առաջարկ է արել: Ռուսական առաջարկից Փաշինյանը մտադիր է հրաժարվել, նաև Արևմուտքի թելադրանքով։
Այս օրերին սկսվել են Հայաստանում միջուկային էներգիայի արտադրության ժամանակակից աղբյուրի կառուցմանը միտված ուսումնասիրությունները։ Աշխատանքները, որոնց արդյունքների ամփոփման առավելագույն ժամկետը 2025 թվականի գարունն է, հայ գործընկերների հետ համագործակցությամբ իրականացնում են ամերիկյան հեղինակավոր ընկերություններից մեկի մասնագետները։
Պաշտոնական Երևանը նաև չի ցանկանում, որ հենց ԱՄՆ-ին հանձնի կապալը, քանի որ այդ դեպքում խնդիրներ են ծագելու Մոսկվայից։ Արդյունքում, ամենահավանական տարբերակը, հենց ամերիկյան կազմակերպության առաջարկով, դիտարկվելու է կորեականը։ Իշխանությունն էլ կփորձի համոզել, թե արևմտյան չէ նախագիծը, մինչդեռ Հարավային Կորեան ԱՄՆ առանցքային գործընկերներից մեկն է։
Անի Համբարձումյան
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ
Պետական աշխատողները կրկին լրացուցիչ կվարձատրվեն․ պետբյուջեից կհատկացվի մոտ 4.6 մլրդ դրամ
Մոլագարը ԵԽ-ում ելույթ է ունենում այն մասին, որ ցանկանում է դառնալ ամենացածր աստիճանի վասալ