ԱՄՆ նախագահի թեկնածուն քծնում է հայերին՝ քարոզչական նպատակներով
Երեկվանից հայաստանյան արևմտամետներն ու իշխանական որոշ շրջանակներ օրգազմի մեջ են: ԱՄՆ փոխնախագահ և դեմոկրատական կուսակցությունից նախագահի թեկնածու Քամալա Հարիսն ուղերձ է հղել ամերիկահայերին, հայտարարել, թե Լեռնային Ղարաբաղից տեղահանված հայերի՝ իրենց տներն անվտանգ վերադառնալու իրավունքը չափազանց կարևոր է հայ ժողովրդի արժանապատվությունը և տարածաշրջանում կայունությունը վերականգնելու տեսանկյունից։
Ուղերձում Հարիսը նշել է, որ հարկավոր է նաև միշտ հիշել Հայոց ցեղասպանության ողբերգությունը, որը շարունակում է ձևավորել հայ ժողովրդի ինքնությունը։ Քամալա Հարիսը նշել է նաև, որ հավատարիմ է Հայաստանի և նրա հարևանների միջև կայուն խաղաղության հաստատմանը, որը հաշվի կառնի երկրների ինքնիշխանությունը, անկախությունը և տարածքային ամբողջականությունը: Փոխնախագահը հավատացրել է, որ կշարունակի աջակցել Հայաստանին ժողովրդավարության ամրապնդման և տարածաշրջանում կայունության հաստատման ջանքերում: «Հավատարիմ եմ մեր երկրների միջև կապերի խորացմանը և գործընկերային հարաբերությունների ամրապնդմանը: Միասին կարող ենք կառուցել ավելի ապահով, արդար և ազատ աշխարհ»,- գրել է Հարիսը:
Ուղերձը բացառապաես ներքաղաքական նպատակներ է հետապնդում՝ նոյեմբերի 5-ին կայանալիք նախագահական ընտրություններից առաջ։ ԱՄՆ-ում գրեթե մեկ մլն հայեր են բնակվում, իսկ այդ քվեներն ամենևին էլ ավելորդ չեն թեկնածուի համար։ Եթե Հարիսն իսկապես իր ուղերձում նշված նպատակների իրականացում ցանկանար, ապա ուղերձը կհղեր Բաքվին, այլ ոչ հայկական կողմին։ Իսկ թե ինչպես են ամերիկյան թեկնածուները տարբեր տաիների խաբել հայ համայնքին, վաղուց հայտնի պատմական փաստ է։
Սաթինե Ալավերդյան
ՔՊ-ականներն ահաբեկում են անգամ անչափահասներին. «Հրապարակ»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
«Հրապարակ». Հավաքին մասնակցելու համար ազատել են պաշտոնից
Երևանում և մարզերում լույս չի լինի. հասցեներ
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
«Մասկա օպերացիա». իրավապահները հրահանգ են ստացել. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
Իշխանությունների թիրախում են ակտիվ արցախցիները. «Հրապարակ»
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր