Հայկական ինքնություն ունեցող յուրաքանչյուր ոք պատասխանատու է մեր Հայրենիքի և ազգային անաղարտության պահպանման համար․ Մհեր Ավետիսյան

Մի՞թե ծովից ծով Հայաստան կորցրած, ցեղասպանություն վերապրած մեր նախնիների՝ դարեր շարունակ գաղթական լինելու գնով ձեռքբերած և մեզ կտակած երկրի դիմաց, այդ արժեքների ուրացումը, պետականության արժեզրկումը և մեր հայրենիքը «հումորի երկրի» վերածելն է մեր շնորհակալությունը։

Հուսով եմ, որ մենք՝ բազմաչարչար հայ ժողովրդի զավակներս, կարժևորենք անասելի դժվարություններով ձեռքբերված մեր պետականությունը, կհասկանանք, թե որքան թանկ է այն մեզ տրված և որքան բարձր պետք է գնահատվի։

 Մենք ունենք հիանալի մի երկիր։

Կերտե՛նք մեր երեխաների երազի հայրենիքը։

Հայկական ինքնություն ունեցող յուրաքանչյուր ոք պատասխանատու է մեր Հայրենիքի և ազգային անաղարտության պահպանման համար։