ՌԴ-ում կինը, օգտվելով Wildberries-ում ծրագրային անսարքությունից, 1,2 մլն ռուբլու գողություն է կատարել
ՌԴ Կրասնոյարսկ քաղաքի բնակչուհին 1,2 միլիոն ռուբլիի վնաս է պատճառել Wildberries առցանց առևտրի հարթակին՝ օգտվելով ծրագրային անսարքությունից: Այս մասին, ինչպես հայտնում է ՏԱՍՍ-ը, հայտնում է Կրասնոյարսկի մարզի դատախազությունը։
«2023 թվականի գարնանը 23-ամյա կինը գրանցել է հաշիվ Wildberries առցանց խանութում, ընտրել է վճարման եղանակ և հայտնաբերել համակարգում արտառոց անսարքություն։ Այն ամենը, ինչ նա ավելացնում էր «զամբյուղում», անմիջապես ստանում էր «վճարված» կարգավիճակ: Այս տարբերակով նա ձեռք է բերել հագուստ և կոշիկ, ճամպրուկներ, սմարթֆոններ, խաղային կցորդներ, բարձրախոսներ և նույնիսկ ոսկյա զարդեր։ Ընդհանուր առմամբ նա գնել է մոտ 100 ապրանք՝ 1,2 միլիոն ռուբլի արժողությամբ: Երբ առցանց խանութը հայտնաբերել է տեխնիկական անսարքությունը, արգելափակել է օգտատիրոջ հաշիվը», - հայտնել են դատախազությունից:
Գերատեսչության տվյալներով՝ կինը Wildberries-ի աջակցության ծառայությանը չի հայտնել ծրագրի անսարքության մասին։
Վերցնելով ապրանքները և համոզվելով, որ նրանից վճարում չեն պահանջում,քարտից գումարը դուրս չի գալիս, նա ամեն օր նոր գնումներ է կատարել, իսկ հետո փաստացի գողացված իրերը վերավաճառել է այլ հարթակներում, իսկ ստացված եկամտով մարել պարտքերը։
Նրա նկատմամբ քրեական գործ է հարուցվել, կնոջը սպառնում է մինչև 10 տարվա ազատազրկում։
Երևանում և մարզերում լույս չի լինի. հասցեներ
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՔՊ-ականներն ահաբեկում են անգամ անչափահասներին. «Հրապարակ»
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
«Հրապարակ». Հավաքին մասնակցելու համար ազատել են պաշտոնից
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Մասկա օպերացիա». իրավապահները հրահանգ են ստացել. «Հրապարակ»
Իշխանությունների թիրախում են ակտիվ արցախցիները. «Հրապարակ»
Պղծաշուրթ և անկայուն մարդու վիճակը դիտվում է որպես մարդատյացության ու հոգևոր խավարի արտահայտություն