Ադրբեջանը Հայաստանում արտահերթ է պահանջում
Վերջին շրջանում բավականին ակտիվացել են խոսակցություններն արտահերթ ընտրությունների հնարավորության մասին։ Բնականաբար, խոսքն արդեն 2025 թ. նշանակվելիք արտահերթ ընտրությունների մասին է, և, թերևս, կա քաղաքական, հանրային կոնսենսուս և՛ փորձագիտական, և՛ քաղաքական շրջանակներում, որ ընտրությունն այս անգամ ոչ թե քաղաքական ընդդիմության պարտադրանքով կլինի կամ ներքաղաքական իրավիճակը կստիպի Նիկոլ Փաշինյանին այդ քայլին գնալ, այլ նա կգնա այդ քայլին՝ սեփական շահից ելնելով, փորձելով անակնկալ մատուցել ընդդիմությանը։
Ուշագրավ է, որ այդ խոսակցություններին զուգահեռ նման քողարկված պահանջներ հնչում են նաև Ադրբեջանից։ Մի կողմից դա պատրվակ կլինի Ադրբեջանի համար՝ չստորագրելու որևէ խաղաղության պայմանագիր, մյուս կողմից էլ՝ պարտադրանք, որպեսզի հետագայում կանխեն վտանգավոր զարգացումները։
Ադրբեջանը ՀՀ արտահերթ ընտրություններով փորձում է լեգիտիմացնել ՀՀ կապիտուլյացիան։ Ադրբեջանի նախագահի հատուկ հանձնարարություններով ներկայացուցիչ Էլչին Ամիրբեքովը հայտարարել է, թե Ադրբեջանը ցանկանում է խաղաղություն կնքել ոչ թե վարչապետ Փաշինյանի, այլ Հայաստանի հետ։ Նրան այս հարցում երկրորդել է Ադրբեջանի խորհրդարանի փոխխոսնակ Զիյաֆետ Ասկերովը։
Փաստացի, Փաշինյանին ասում են՝ գնա, Հայաստանի հանրությունից ստացիր մանդատ, վերահաստատիր դավաճանական կուրսդ, որ հետագայում ոչ ոք ռևանշից չխոսի։ Ադրբեջանի տարբեր պահանջներին՝ Սահմանադրության փոփոխում, միջանցքի հարցի լուծում, ադրբեջանցիների վերաբնակեցում, ավելանում է ևս մեկը։ Բաքուն ցանկանում է գործուն ապացույց ունենալ, որ ոչ թե Փաշինյանը, այլ ՀՀ բնակչությունն է համաձայնվել կապիտուլյացիային։
Սիլվա Մարգարյան
ՔՊ-ականներն ահաբեկում են անգամ անչափահասներին. «Հրապարակ»
«Հրապարակ». Հավաքին մասնակցելու համար ազատել են պաշտոնից
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
Երևանում և մարզերում լույս չի լինի. հասցեներ
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
Իշխանությունների թիրախում են ակտիվ արցախցիները. «Հրապարակ»
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Մասկա օպերացիա». իրավապահները հրահանգ են ստացել. «Հրապարակ»