Ի՞նչ է նշանակում հոգեբանական անցում պատմական Հայաստանից դեպի իրական Հայաստան. ՀայաՔվե

Պատմությու՞ն ջնջել։ Հիշողությու՞ն ջնջել։

Պատմություն, հիշողություն ջնջելով ի՞նչ են ուզում, որ դառնանք։ Ի՞նչ է լինում սովորական մարդու հետ, երբ նա հիշողությունն է կորցնում։ Կարո՞ղ է մարդն ապրել այդպես։

Իսկ պատկերացնու՞մ ես, սիրելի՛ հայրենակից, թե ինչ տեղի կունենա հիշողություն կորցնող մի ամբողջ ժողովրդի հետ, այն էլ այս դժվար ժամանակներում։ Իսկ կարիք կա՞ արդյոք երկար մտածելու, թե ո՛ր ուժերն են ուզում, որ հայ ժողովուրդը կորցնի իր պատմությունն ու հիշողությունը։

Այդ ուժերը չեն էլ թաքցնում իրենց ագրեսիվ ու հայատյաց մտադրությունները, ամբիոններից ամեն օր խոսում են այդ մասին, գրքեր են գրում այդ մասին, ոմանք էլ սիրով հանձն են առնում կատարելու այդ ուժերի պահանջները՝ սեփական տխրահռչակ իշխանությունը պահպանելու պայմանով։