Ստեփանակերտի ռուսական դրամատիկական թատրոնը պատանի հանդիսատեսին կուրախացնի «Մոխրոտիկը և ռոքնռոլը» ամանորյա ներկայացմամբ
2025 թ․ հունվարի 4-ին և 5-ին Երևանի պատանի հանդիսատեսին սպասում է «Մոխրոտիկը և ռոքնռոլը» ամանորյա գրավիչ ներկայացումը՝ Շառլ Պերոյի հեքիաթների մոտիվներով։
Ռեժիսոր և Ստեփանակերտի ռուսական դրամատիկական թատրոնի գեղարվեստական ղեկավար Ժաննա Կրիկորովայի բեմադրությունը կներկայացնի հետաքրքիր երաժշտական պատմություն Մոխրոտիկի և նրա ընկերների մասին։ Բեմադրությունում ընդգրկված են հիմնական թատերախումբը և թատրոնին կից ստեղծված երիտասարդական ստուդիայի դերասանները, որոնց համար սա առաջին բեմելն է լինելու։
ԴԻԱԼՈԳ կազմակերպության աջակցությամբ նախապատրաստված ամանորյա ներկայացումը հունվարյան այդ օրերին ցուցադրվելու է Երևանի թատրոնի և կինոյի պետական ինստիտուտի բեմում։
«Մենք շատ բան գիտենք հին ժամանակների Մոխրոտիկի մասին։ Բայց այսօր էլ շատ Մոխրոտիկներ կան և նրանք բոլորը երազանք ունեն։ Արևային Թագավորության մեր Մոխրոտիկը նույնպես երազանք ունի, իսկ թե ինչի մասին է այն, դուք երբեք չեք կռահի։ Բայց կիմանաք, եթե այցելեք «Մոխրոտիկը և ռոքնռոլը» ներկայացումը», - ասվում է ներկայացման ազդագրում։
Նշենք, որ Ստեփանակերտի ռուսական դրամատիկական թատրոնը հիմնադրվել է 2022 թ․ Ալեքսանդր Բորդովի նախաձեռնությամբ։ Թատրոնը վերապրել է Լեռնային Ղարաբաղի շրջափակումը և հարազատ հողից բռնի տեղահանումը։ Երևանում վերածնվել և գործում է ԴԻԱԼՈԳ կազմակերպության թիմի և բարեկամների աջակցությամբ, որի ղեկավար Յուրի Նավոյանը նաև թատրոնի Հոգաբարձուների խարհրդի նախագահն է։
ՔՊ-ականներն ահաբեկում են անգամ անչափահասներին. «Հրապարակ»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
Երևանում և մարզերում լույս չի լինի. հասցեներ
«Հրապարակ». Հավաքին մասնակցելու համար ազատել են պաշտոնից
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
Իշխանությունների թիրախում են ակտիվ արցախցիները. «Հրապարակ»
«Մասկա օպերացիա». իրավապահները հրահանգ են ստացել. «Հրապարակ»
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր