Թուրքիայի պահանջով Փաշինյանը պատրաստ է անարգել զոհաբերել Սյունիքը, ինչպես դա արեց Արցախի հետ. ՀայաՔվե

Արդեն հիմա թշնամին Սյունիքի սահմանների մոտ հարձակողական զորավարժություններ է անում, փորձարկում է Սյունիքը առավել նեղ տեղում (Իշխանասարից Սիսիան) կտրելու օպերացիան, որն իրականացվելու դեպքում Սյունիքի բնակչության մեծ մասը և այնտեղ տեղակայված հայկական զինված ուժերը կմնան փաստացի շրջափակման մեջ և ստիպված կլինեն հեռանալ Իրանի տարածքով, իսկ Փաշինյանը նորից կոկորդիլոսի արցունքներ կթափի, թե իբր ինքը չէր կարող գնալ էսկալացիայի, որ ամբողջ պետությունը չկորցնի։

Այդ սցենարը կարելի է կանխել, եթե մարդիկ հասկանան, որ ինչպես և Սիրիայի դեպքում` Սյունիքի հանձնումը հնարավոր է միայն իշխանության ներսից դավաճանության դեպքում, և որ այս դեպքում արդեն Փաշինյանը դա չի մարսի: Այդ դեպքում նա ստիպված կլինի գնալ իր թուրքական պատվիրատուների մոտ և խնդրել հետաձգել հարձակումը։