Թուրքիան կշարունակի բոլոր ուղղություններով ճնշել Իսրայելին. Էրդողան
Թուրքիան կշարունակի բոլոր ուղղություններով Իսրայելին ճնշել և ստիպել նրան գործել օրենքին համապատասխան, հայտարարել է Թուրքիայի նախագահ Ռեջեփ Թայիփ Էրդողանը։ Այս մասին գրում է ՌԻԱ «Նովոստի»-ն:
«Իսրայելն իր համար կանոն է դարձրել խախտել միջազգային իրավունքը։ Նրանք ոտնահարեցին միջազգային իրավունքը Գազայում, իսկ աշխարհը լռեց։ Նրանք գրավեցին ինքնիշխան պետության տարածքը Լիբանանում և արյուն թափեցին, և աշխարհը նորից լուռ էր։ Այսօր Սիրիան է ենթարկվում Իսրայելի անխոհեմությանը: Գոյություն ունի ՄԱԿ-ի Անվտանգության խորհրդի 1967 թվականի 242 բանաձևն Իսրայելի կողմից Գոլանի բարձունքների օկուպացման վերաբերյալ: Բանաձևը դատապարտում է Իսրայելի կողմից Գոլանի բարձունքների օկուպացիան և պահանջում է նրա հեռացումը տարածքից։ Կարևոր է, որ միջազգային հանրությունը քայլեր ձեռնարկի այս բանաձևը հիշեցնելու և կյանքի կոչելու համար»,- Կահիրեից վերադառնալուց հետո ինքնաթիռում լրագրողներին ասել է Էրդողանը:
Նրա խոսքով՝ անհրաժեշտ է արդյունավետ օգտագործել բոլոր միջազգային մեխանիզմները, որպեսզի Իսրայելը չշահի Սիրիայում ստեղծված իրավիճակից։
«Իսկ այս հարցում արևմտյան երկրները, հատկապես ԱՄՆ-ն, պարզապես պետք է կանգնեցնեն Իսրայելին։ Իսրայելի կողմից Սիրիայի տարածքի օկուպացիայի անընդունելիությունը պետք է հնարավորինս բարձրաձայն արտահայտվի»,- հավելել է Թուրքիայի ղեկավարը։
Էրդողանն ընդգծել է, որ «իսրայելական ագրեսիան, որը մշտապես սպառնում է տարածաշրջանում խաղաղությանն ու կայունությանը, պետք է դադարեցնել, քանի դեռ ուշ չէ»:
«Հակառակ դեպքում, վաղն իսրայելական բումերանգը կուղղվի նրանց, ովքեր ցանկացած պարագայում աջակցում են նրան: Նրանք, ովքեր երեկ ուշադրություն չդարձրին մեր զգուշացումներին, այսօր հասկացան, որ մենք ճշմարտությունն ենք ասում: Եվ որպեսզի վաղ չզղջան դրա համար, խորհուրդ եմ տալիս ընդունել, հաշվի առնել այն նախազգուշացումները, որոնք այսօր արել ենք և ձեռնարկել անհրաժեշտ քայլերը»,- ասել է Էրդողանը։
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Բնակարանային գողություններ կատարող Հրազդանի 2 բնակիչները հայտնաբերվել են,գողությունները՝ բացահայտվել
Թրամփի հետքայլն ու քրդական պլացդարմի ձախողումը. Իրանը չեզոքացրեց վտանգը․ իրանագետ
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը