Ամիօ բանկը բացառիկ հաջողություններ է գրանցել պարտատոմսերի շուկայում

Այս տարի Ամիօ բանկը թողարկեց իր առաջին պարտատոմսերը: Սա համարձակ քայլ էր, և մինչ այժմ գրանցած բացառիկ արդյունքները արտացոլում են վստահությունը, որ Ամիօ բանկի հաճախորդներն ու գործընկերները ցուցաբերում են բանկի նկատմամբ:

2024 թվականին բանկն ունեցել է պարտատոմսերի 4 թողարկում` տեղաբաշխելով 15 միլիարդ ՀՀ դրամ ծավալով դրամային և 11.5 միլիոն ԱՄՆ դոլար ծավալով դոլարային պարտատոմս:

Արդյունքում, երկրորդ և երրորդ եռամսյակների ընթացքում մոտ 3 անգամ ավելացել է Ամիօ բանկի պարտատոմսերի պորտֆելը՝ տարեսկզբի 7 միլիարդից 3-րդ եռամսյակի վերջում հասնելով 20,5 միլիարդի:

Պարտատոմսերի թողարկումից հետո բանկն ունեցել է շուկայում պարտատոմսերի պորտֆելի՝ մեծությամբ 2-րդ աճը, 5 տեղով բարելավել է իր դիրքը շուկայում՝ շուկայական վարկանիշային աղյուսակում տարեսկզբյան 12-րդ տեղից 3-րդ եռամսյակի վերջում հասնելով 7-րդ տեղ:

Այս կարևոր ձեռքբերումը ոչ միայն ամրապնդում է բանկի դիրքը, որպես վստահելի ֆինանսական հաստատություն, այլև ընդգծում է ներդրողների վստահությունը բանկի տեսլականի և կայունության նկատմամբ: 

Այս տարվա մեծ ձեռքբերումով, Ամիօ բանկը շարունակելու է շուկայում ամրապնդել իր դիրքերը՝ հաճախորդներին առաջարկելով լավագույն պրոդուկտներն ու ծառայությունները:

Բանկը վերահսկվում է ՀՀ ԿԲ կողմից: