Չինաստանը պատժամիջոցներ է սահմանել ԱՄՆ-ի դեմ

Չինաստանը պատժամիջոցներ է սահմանել Միացյալ Նահանգների ռազմարդյունաբերական ձեռնարկությունների դեմ՝ Թայվանի իշխանություններին զենք վաճառելու պատճառով։ Այս մասին հայտնում է ՉԺՀ-ի արտաքին գործերի նախարարությունը, փոխանցում է РИА Новости-ն։

Նշվում է, որ յոթ ձեռնարկություն հայտնվել է Պեկինի սահմանափակումների տակ։

Չինաստանի ԱԳՆ-ն նշել է, որ սահմանափակող միջոցները ուժի մեջ կմտնեն դեկտեմբերի 27-ից և ուղղված կլինեն Aerkomm, Hudson Technologies, Insitu, Oceaneering International, Raytheon Australia, Raytheon Canada և Saronic Technologies-ի դեմ։ Պեկինի միջոցները ենթադրում են նշված ձեռնարկությունների ունեցվածքի սառեցում և կառավարում ՉԺՀ-ում։ Սահմանված պատժամիջոցներն արգելում են չինական ընկերություններին որոշակի գործարքներ իրականացնել սահմանափակված ամերիկյան պաշտպանական ընկերությունների հետ։

Դեկտեմբերին ԱՄՆ ֆինանսների նախարար Ջանեթ Յելենը հայտարարել էր, որ Միացյալ Նահանգները պատժամիջոցներ կսահմանի չինական բանկերի դեմ ռուսական ռազմարդյունաբերական համալիրին հիպոթետիկորեն աջակցելու համար։

Նա հավելել է, որ Միացյալ Նահանգները և Չինաստանն ունեն առանձին հաղորդակցման ուղիներ՝ քննարկելու Ռուսաստանի հետ փոխգործակցության վիճելի հարցերը։ Ըստ Յելենի՝ այս հաղորդակցման ալիքը հաճախ բավական է փոխազդեցության համար։