Ինչո՞ւ են հետ պահանջում Սնուփ Դոգի համերգի փողերը
Հայաստանի իշխանությունները հետ են պահանջում ռեփեր Սնուփ Դոգի ավելի քան մեկ տարի հետաձգված համերգի ամբողջ գումարը։ Սնուփ Դոգի համերգը Երևանում նախատեսվում էր 2023-ի սեպտեմբերի 23-ին, սակայն հետաձգվեց սեպտեմբերի 19-ին Արցախի վրա Ադրբեջանի լայնամասշտաբ ագրեսայի պատճառով։
Համերգի կազմակերպիչ «Դոպինգ Սփեյս» ընկերությունը նախատեսում էր չկայացած համերգը 2024-ի ընթացքում անցկացնել, դրա համար նաև նախարարության հետ համաձայնագիր կնքեց։ Ընկերությունն իր պաշտոնական կայքում անգամ հայտնել էր, թե համերգը կայանալու է 2024 թվականի օգոստոսին, խոստացել էին՝ անցկացման հստակ օրը հրապարակել։ Համերգն այդպես էլ չկայացավ, իսկ փաշինյանական իշխանությունը պարբերաբար քննադատության թիրախում էր հայտնվում՝ ինչ-որ ամերիկացու համերգի համար մոտ 6 մլն դոլար տրամադրելու, դրանք փոշիացնելու համար։
ԿԳՄՍ նախարար Ժաննա Անդրեասյանը երեկ հայտնել է, թե դիմել են «Դոպինգ Սփեյս» ընկերությանը կառավարության հատկացրած գումարը պետբյուջե վերադարձնելու համար։ Ընկերությունն առայժմ չի մեկնաբանում, թե ինչպես են վերադարձնելու գումարները, հատկապես, որ դրա մեծ մասն արդեն փոխանցվել է Սնուփ Դոգին և գործնականում հնարավոր չէ ետ ստանալ։
Ըստ ամենայնի, գործը հասնելու է դատարաններ։ Փոխարենն իշխանությունն այս քայլով հերթական քարոզչական փուչիկն է փչում՝ հանրությանը շեղելու նպատակով։
Էլիզա Գալստյան
Փաշինյանի ձեռամբ ադրբեջանցի հատուկ ջոկատայինները գալու են ու «խաղաղ» տեղավորվեն ՀՀ-ում. ադրբեջանագետ
Մահացել է անվանի բժիշկ Արտավազդ Սահակյանը
Դոլարն ու ռուբլին թանկացել են․ փոխարժեքն՝ այսօր
Գերագույն գլխավոր տգետը չգիտի անգամ, որ Հայ Առաքելական Եկեղեցին հիմնադրել են Թադեոս և Բարդուղիմեոս ա...
Ռուբլին էժանացել է․ փոխարժեքն՝ այսօր
Նարեկ Սրբազա՞նն է հրավիրել Վազգեն Միրզախանյանին Գյումրի պատարագի․ արձագանքում է հոգևոր տեսուչը
Իշխանությունը քահանա է փնտրում. ինչ է կատարվում Գյումրիում. «Ժողովուրդ»
Ուզել են Արշակ Սրբազանի գրպանը բան գցեն, հիշել են՝ սքեմը գրպան չունի. Հայկ Մամիջանյան
Դավանափոխ հոգևորականն ընկճախտի մեջ է. «Հրապարակ»
Արշակ սրբազանին վերաբերող ճեպազրույցում անզգույշ մի արտահայտություն եմ արել․ փաստաբան