Ազգային հերոսների ծննդյան օրերը իշխանական ողջ վերնախավի համար անցնում են աննկատ ու անտեսված. ՀայաՔվե

Օրինակ, Մոնթեն նրանց ընդամենը փիառի համար էր հետաքրքիր, նրա համար, որ պայքարող ռազմիկի կեղծ կերպար ստանային և տարածեին սոցիալական ցանցերում։ Հիմա հերոսներին մոռացության են մատնում, մատաղ սերնդից նրանց հեռու պահում: Հիմա պետական ողջ մեքենան ու քարոզչությունը լծվել են ժողովրդի մեջ հերոսի ընկալումը խեղաթյուրելու գործին։

Անձնազոհությունը մոռացության է մատնվում, իսկ հարկ վճարելը համարվում է հերոսություն։ Մինչդեռ հերոսությունն աներևակայելի խիզախում է, զոհողություն, անձնուրացություն, հանուն այլոց փրկության, հանուն մարդկության զարգացման, հանուն ժողովրդի երջանկության, հանուն մեծ սիրո, արդարության, ազատության, արժանապատվության կյանքը վտանգի ենթարկելու, մտավոր ու նյութական կարողություններն անշահախնդրորեն ներդնելու պատրաստակամություն։

Նման գերմարդկային ճիգի, զոհողության շնորհիվ հերոսները լուծում են անհաղթահարելի թվացող խնդիրներ։ Նրանց սխրանքից մարդիկ ցնցվում են։