Անդրանիկ Քոչարյանին պաշտոնանկ կանեն զեկույցի հրապարակումից հետո
Ազգային ժողովում օրեր առաջ տեղի է ունեցել անհետ կորածների հարազատների հանդիպումը Պաշտպանության և անվտանգության հարցերի հանձնաժողովի նախագահ Անդրանիկ Քոչարյանի հետ, որը չափազանց թեժ է անցել՝ փոխադարձ բղավոցներով և վիրավորանքներով։ Թե ինչ են քննարկել, ոչ Քոչարյանը, ոչ հանդիպման մյուս մասնակիցները չեն հայտնում, միայն հանձնաժողովի նախագահը խոստացել է միայն ամսվա վերջ խորհրդարանական լսումներ են կայանալու։
Քոչարյանը նաև տեղեկացրել էր, թե փակ լսումներին հրավիրելու են առաջին դեմքերին՝ արտգործնախարարից մինչև գլխավոր դատախազ, իսկ ԱԱԾ տնօրենը հանդես է գալու զեկույցով։ Պատերազմից չորս տարի անց դեռ 195 մարդ, այդ թվում՝ երկու տասնյակ խաղաղ բնակիչներ անհետ կորած են համարվում:
Մեր տեղեկություններով, լսումները կարող են չկայանալ։ Անդրանիկ Քոչարյանը կուսակիցների մոտ կարծիք է հայտնել, թե անհետ կորածների հարազատների բողոքն ուղղորդվում է իշխանության վերին օղակների կողմից, այդկերպ իրեն ստիպում են հրապարակել 44-օրյա պատերազմի հանգամանքների ուսումնասիրման հանձնաժողովի զեկույցը։ Իսկ դրա հապարակումից է կախված հենց Քոչարյանի ապագան։
Բանն այն է, որ ՔՊ-ում արդնե կողմնորոշվել են, որ Անդրանիկ Քոչարյանին պաշտոնանկ են անելու, ուղարկելու են Աղազարյանի կուսակցություն։ Իսկ նոր ընտրություններում նա այլևս չի լինելու ընտրական ցուցակներում։ Ազդեցիկ և հին քպականները կարողացել են փաստերով ապացուցել Անդրանիկ Քոչարյանի՝ ներկուսակցական խաղերն ու խարդավանքները։ Այժմ իր պաշտոնը մեկ օր ավելի պահելու համար Քոչարյանը համառորեն հրաժարվում է հրապարակել զեկույցը։
Նարինե Մելիքյան
ՔՊ-ականներն ահաբեկում են անգամ անչափահասներին. «Հրապարակ»
Երևանում և մարզերում լույս չի լինի. հասցեներ
«Հրապարակ». Հավաքին մասնակցելու համար ազատել են պաշտոնից
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
«Մասկա օպերացիա». իրավապահները հրահանգ են ստացել. «Հրապարակ»
Իշխանությունների թիրախում են ակտիվ արցախցիները. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...