Մեզ անվերջ շեղում են իրական օրակարգից. Պողոս Ստամբուլյան

Երեկ ամբողջ օրվա ընթացքում հետևում էի մամուլում տարածվող մի նյութի, որում ասվում էր, որ միջազգային հետախուզում է հայտարարվել Նվեր Ծառուկյանի նկատմամբ։

Ու էդ ամենի հետ մեկտեղ տեսա մի մարդու, ով երեկ կոկորդ էր պատռում հարկային փոփոխությունների, հայտարարագրման մասին բողոքելով, իսկ այսօր այդ մասին լուռ էր, որովհետև այսօր արդեն ակտուալ էր Նվեր Ծառուկյանի մասին պտտվող լուրը...

Երևի շատերի ուզածը հենց դա է։

Քրեական գործով առաջադրված մեղադրանքից ելնելով, չեմ կարծում որ միջազգային հետախուզումը տեղին է, և դա էլ այն դեպքում, երբ քրեական գործով անցնող բոլոր անձինք ներկայացել են և տվել են համապատասխան ցուցմունքները։

Ավելին, Նվեր Ծառուկյանի պաշտպանը դեռ շատ վաղուց ներկայացրել է բացակայության պատճառների մասին համապատասխան փաստաթղթերը, այն է՝ գործուղումը։

Իսկ արդեն այսօր պաշտպանի կողմից ասվեց, որ Նվեր Ծառուկյանի գործուղման ավարտից հետո , հինգից տաս օրվա ընթացքում Նվեր Ծառուկյանը արդեն Հայաստանում կլինի։

Իսկ ինչու՞ միջազգային հետախուզում հայտարարելուց հետո ամբողջ մամուլը ողողվեց այդ լուրով, դե կարծում եմ, որ ինքներդ էլ հասկանում եք, ազգանունն արդեն ամեն ինչ ասում է։

Օրեցօր անդունդը գլորվող երկրում, ամեն ինչից խոսող իմ ազգ, մենք որպես ազգ ավելի կարևոր հարցերի հետևից պետք է գնանք քան ինչ որ քաղաքական նկատառումներից ելնելով ծիծաղ առաջացնող կարված գործերն են։ Ստացվում է մեր երկրում չկա ավելի լուրջ հարցեր, այսինքն Նվեր Ծառուկյանի օդում կարված գործը առավել կարեւո՞ր է քան սահմանազատմամբ Հայաստան մտնող գազամատակարարման խողովակները Ադրբեջանին հանձնելը, որից մաքսիմալ շեղում են բոլորիդ։

Ասեմ ավելին սա տեղի է ունենում հենց հիմա որի մասին լռում են բոլորը իսկ ձեզ հրամցնում ինչ որ մանիպուլիատիվ «սենսացիաներ» որով հանգիստ իրենց սեւ գործը կանեն։

Հ.Գ. Պարզ է չէ՞ որ եթե այս ամենի առանցքում չլիներ Գագիկ Ծառուկյանը վստահաբար վարույթ անգամ չէր ընդունվի։

Հերիք ա շեղվեք իրականությունից ու թույլ տաք որ ձեզ ամեն օր կտրեն օրհասական հարցերի մասին մտահոգությունից։