Կրեմլը չի ​​մեկնաբանել ադրբեջանական ինքնաթիռի կործանման վերաբերյալ Ղազախստանի տրանսպորտի նախարարության նախնական զեկույցը

Ղազախստանի տրանսպորտի նախարարությունը նախնական զեկույց է հրապարակել Ակտաուի օդանավակայանում «Ադրբեջանական ավիաուղիներ» (AZAL) չվերթի կործանման վերաբերյալ։

Զեկույցը բաղկացած է 53 էջից։ Այն պարունակում է դեկտեմբերի 25-ի առավոտյան Embraer 190 ինքնաթիռով տեղի ունեցած ավիավթարի հետաքննության նախնական արդյունքները։ Ինքնաթիռում գտնվող 67 մարդկանցից 38-ը մահացել են։

Հանձնաժողովը հայտնաբերել է միմյանց հաջորդած երկու հարվածներից առաջացած հիդրոտեխնիկական համակարգերի և էլեկտրական լարերի վնասը, ինչը հանգեցրել է սարքավորումների խափանման: Պահպանված բեկորների նախնական զննությամբ հայտնաբերվել են տարբեր չափերի և ձևերի բազմաթիվ վնասներ:

«Օտար օբյեկտների» պատճառած միջանցիկ վնասի բնույթն ու ծագումը պարզելու համար կիրականացվեն համապատասխան ուսումնասիրություններ և փորձաքննություններ, հայտնում են զեկույցի հեղինակները։ Նշվում է նաև, որ փորձագետները վերծանում են AZAL ինքնաթիռի սև արկղերը։ Աշխատանքների ավարտից հետո վթարի հետաքննության արդյունքների հիման վրա կպատրաստվի վերջնական հաշվետվություն:

Կրեմլը չի ​​մեկնաբանել Ղազախստանի տրանսպորտի նախարարության նախնական զեկույցը AZAL ինքնաթիռի կործանման հետաքննության վերաբերյալ:

«Դա նախնական զեկույց է։ Իհարկե, մեր համապատասխան գերատեսչությունները պատշաճ ուշադրությամբ կուսումնասիրեն այն: Հնարավոր չենք համարում ՌԴ նախագահի աշխատակազմից այս թեմայի մեկնաբանությունը»,- ասել Է Ռուսաստանի նախագահի մամուլի քարտուղար Դմիտրի Պեսկովը: