Ֆրանսահայերը Փաշինյանին զրկում են մանևրից
Ֆրանսիայի հայկական կազմակերպությունների համակարգող խորհուրդը դիմել է Միջազգային քրեական դատարանի դատախազին՝ կոչ անելով հետաքննություն սկսել Ադրբեջանի նախագահ Իլհամ Ալիևի դեմ։ Դիմումատուները պնդում են՝ Դատարանը պետք է հետաքննի 2020-23 թվականներին Լեռնային Ղարաբաղի հայերի դեմ կատարված հանցագործությունները և պատասխանատվության կանչի մեղավորներին։ Խորհուրդը փաստաբան Սևագ Թորոսյանի միջոցով ներկայացված հայցում ՄՔԴ դատախազին կոչ են անում Ադրբեջանի նախագահի և Լեռնային Ղարաբաղում կատարված հանցագործությունների մյուս մասնակիցների նկատմամբ կալանքի օրդեր տալ:
Ավելի վաղ ՄՔԴ առաջին դատախազ Լուիս Մորենո Օկամպոն, ինչպես նաև մի շարք միջազգային իրավապաշտպան կազմակերպություններ այդ իրադարձությունները որակել էին որպես ցեղասպանություն, մարդկության դեմ հանցագործություններ և պատերազմական հանցագործություններ:
ՀՀ գործող իշխանությունների վարած ամոթալի քաղաքականության ֆոնին, երբ Փաշինյանն ու այլոք չեն բացառում միջազգային գանգատները հետ կանչելու հնարավորությունը, ֆրանսահայերի այս նախաձեռնությունն առանձնակի նշանակություն ունի։ Բանն այն է, որ ՄՔԴ-ն կարող է հայցը քննել նույնիսկ առանց պետության միջնորդության։ Եվ որքան էլ փորձի Փաշինյանն ազատել Ալիևին պատասխանատվությունից, առնվազն այժմ ՄՔԴ-ն ՀՀ իշխանությունների փնթփնթոցները կարող է բանի տեղ չդնել։
Իհարկե, փաշինյանական իշխանությունը կարող է հետ կանչել Արդարադատության միջազգային դատարան, ՄԻԵԴ ներկայացված գանգատները, որևէ հայտ չներկայացնել Միջազգային քրեական դատարան։ Մեծ հավանականությամբ, գործող վարչախումբը հենց այդպես էլ վարվելու է։ Ի վերջո, դա նաև Ադրբեջանի հետ բանակցություններում՝ մինչ օրս չհաստատված երկու պահանջներից մեկն է։
Արփի Մանուչարյան
ՔՊ-ականներն ահաբեկում են անգամ անչափահասներին. «Հրապարակ»
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
Երևանում և մարզերում լույս չի լինի. հասցեներ
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
«Հրապարակ». Հավաքին մասնակցելու համար ազատել են պաշտոնից
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
Իշխանությունների թիրախում են ակտիվ արցախցիները. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Մասկա օպերացիա». իրավապահները հրահանգ են ստացել. «Հրապարակ»
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր