«Բարսելոնա»-ն Չեմպիոնների լիգայի նոր ռեկորդ է սահմանել

Չեմպիոնների լիգայի 1/8-րդ եզրափակչի առաջին խաղում «Բարսելոնան» արտագնա հաղթանակ տարավ «Բենֆիկայի» նկատմամբ (1:0)։

Հանդիպման 22-րդ րոպեից սկսած «կապտանռնագույնները» խաղում էին 10 հոգով. ուղիղ կարմիր քարտով խաղադաշտից հեռացվել էր Պաու Կուբարսին։

«Բարսելոնայի» հաղթանակը Չեմպիոնների լիգայի պատմության մեջ առաջին դեպքն է, երբ թիմը արտագնա խաղում՝ 69 րոպեից ավելի (ներառյալ մրցավարի կողմից ավելացված ժամանակը) խաղալով 10 հոգով, կարողանում է առավելության հասնել մրցակցի նկատմամբ։

Թիմերի միջև պատասխան հանդիպումը կկայանա մարտի 11-ին, Երևանի ժամանակով 21:45-ին։