«Գռզո»-ի թիկնապահների հետ կատարվածը՝ ազդակ իշխանականների համար

Դիմակավորված հատուկ ջոկատայինները նախօրեին երեկոյան Երևանի կենտրոնից ցուցադրաբար բերման էին ենթարկել մի խումբ անձանց և տեղափոխել Քրեական ոստիկանության գլխավոր վարչություն։ Բերման ենթարկվածները եղել են ՔՊ խմբակցության պատգամավոր Խաչատուր Սուքիասյանի թիկնապահները, որոնք շրջել էին շարասյունով՝ արհամարհելով Փաշինյանի հանձնարարությունները։

Գործող իշխանությունները և իշխանական քարոզչամեքենան այս գործողությունը փորձելու են օգտագործել իրենց նեղ կուսակցական PR-ի համար, մինչդեռ սա լուրջ ազդակ է շատերին, որ, ըստ էության, Նիկոլ Փաշինյանը փորձում է ինքնակայանալ, իրա ռեյտինգը քիչ թե շատ վերականգնել նաև յուրայինների հաշվին։ «Գռզո» մականունով Սուքիասյանն իշխող թիմի անդամ է, իշխանական թիվ մեկ օլիգարխը և բավական վատ համբավ ունի։ Միևնույն ժամանակ, սա նշանակում է, որ Սուքիասյանի կշիռն իշխանության ներսում զգալի ընկել է, որ Նիկոլ Փաշինյանն ու նրա ՆԳ նախարարը կարողանում են իրենց բերման գործողություն թույլ տալ։

Ինքը՝ Սուքիասյանն այս պահին Հայաստանում չէ, մի քանի օր առաջ նրան նկատել են Մոնտե Կառլոյի կազինոներում։ Իմանալով իր թիկնապահների հետ կատարվածը՝ Սուքիասյանը բավական էմոցիոնալ արձագանք է տվել, կոշտ տոներով խոսակցություն է եղել Նիկոլ Փաշինյանի և Ներքին գործերի նախարարի հետ։ Արփինե Սարգսյանը պարզ ասել է, թե ինքը չէ նախաձեռնողը, սլաքներն ուղղել է դեպի Փաշինյանը։

Սոնա Մուրադյան