Մարտուն Գրիգորյանը հանդիպել է արցախցիների հետ

«Մեր քաղաքը» դաշինքի կողմից Գյումրու քաղաքապետի թեկնածու առաջադրված Մարտուն Գրիգորյանը հանդիպեց Արցախից բռնի տեղահանվածների հետ։

Դիմելով արցախցիներին, Մարտուն Գրիգորյանը նշեց, որ ընտրությունից ընտրություն փրկիչներն ու մտահոգվածները շատանում են, շատանում են այն մարդիկ, ովքեր հրավիրում են բոլորին ու սկսում նրանց դարդ ու ցավով տառապել, բայց այն օրերին, երբ արցախցին ուներ դրա կարիքը, այսօրվա քաղաքական պրոցեսներին մասնակիցներից շատ-շատերը տեսադաշտում չէին երևում։ Այդ օրերին չէին մտածում այնպես, ինչպես մտածում են հիմա՝ ընտրությունների շեմին։

Մարտուն Գրիգորյանի համոզմամբ, գալու է այն օրը, երբ բոլորս կրկին հանդիպելու ենք Արցախում։

Իրենց խոսքում արցախցիները շնորհակալություն հայտնեցին Մարտուն Գրիգորյանին մշտական հոգատարության, արցախցիների հոգսերով ապրելու ու նրանց խնդիրներին լուծումներ տալու համար։ Արցախցիների հանդիպումը «Մեր քաղաքը» դաշինքի առաջնորդ Մարտուն Գրիգորյանի հետ ավանդույթի համաձայն ավարտվեց ջերմ մթնոլորտում։

Մանրամասները՝ տեսանյութում։