Իլոն Մասկը խոստացել է մարդանման ռոբոտների «բանակ» ստեղծել

Ամերիկյան Tesla ընկերության ղեկավար Իլոն Մասկը ծրագրել է մինչև 2025 թվականի վերջ ստեղծել 5,000 Optimus ռոբոտ։ Այս մասին նա հայտնել է X-ում։

Tesla-ի եռամսյակային զեկույցին նվիրված հեռարձակման ժամանակ Մասկը խոսել է Optimus ռոբոտների ստեղծման առաջընթացի մասին։ Միլիարդատերը հայտնել է, որ մինչև տարեվերջ իր ընկերությունը պետք է թողարկի 5,000 ռոբոտ։

«Ես կասեմ, որ մենք հաջողակ ենք, եթե ստանանք 10,000 միավորի կեսը, բայց նույնիսկ 5,000 ռոբոտը հռոմեական լեգեոնի չափ է»,- ասել է Մասկը։ Հին Հռոմում լեգեոնը տարբեր ժամանակներում բաղկացած էր 2-10 հազար զինվորից։

«Կարծում եմ, որ մենք բառացիորեն կստեղծենք լեգեոն. առնվազն մեկ լեգեոն ռոբոտներ այս տարի, իսկ հետո գուցե 10 լեգեոն հաջորդ տարի», - խոստացել է Իլոն Մասկը: Այսպիսով, Մասկը մտադիր է արտադրել մինչև 50,000 Optimus ռոբոտ՝ ձևավորելով յուրատեսակ «բանակ»։

Ձեռնարկատերն ընդգծել է, որ ռոբոտներ ստեղծելը Tesla-ի համար բոլորովին նոր բիզնես է, ուստի ընկերությունը սխալներ է թույլ տալիս։ Միևնույն ժամանակ Մասկը իր ռոբոտներին անվանել է Tesla-ի ամենաթանկ ակտիվը։ Նրա կարծիքով, դժվար է գնահատել արտադրությունը, որը թույլ է տալիս ստեղծել «խելացի մարդանման ռոբոտներ, որոնք ունակ են կողմնորոշվել իրականության մեջ և կատարել առաջադրանքներ ըստ պահանջի»։