Թաիլանդում հզոր երկրաշարժից հետո գրանցվել է 77 հետցնցում

Թաիլանդի օդերևութաբանական վարչությունը երեկ Մյանմարում տեղի ունեցած երկրաշարժից հետո գրանցել է 77 հետցնցում։ Երկրի 11 շրջաններում ավերածություններ են տեղի ունեցել։

«Մյանմարի Սագաինգի խզվածքի տարածքում տեղի ունեցած երկրաշարժից հետո շաբաթ օրը ժամը 06:00-ին (Երևանի ժամանակով 03:00-ին), ցածր ինտենսիվության 77 ցնցում է գրանցվել: Թաիլանդի շատ շրջաններում դրանք գործնականում չեն զգացվել», - հաղորդում է վարչությունը (մեջբերում է 3plus-ը):

Հիշեցնենք, որ երեկ Մյանմարում 7,7 և 6,4 մագնիտուդ ուժգնությամբ 2 երկրաշարժ էր գրանցվել։ Ցնցումները զգացվել էին նաև Բանգլադեշում, Հնդկաստանում, Թաիլանդում, Լաոսում և Չինաստանում։

Մյանմարում տեղի ունեցած երկրաշարժի հետևանքով զոհերի թիվը հասել է 1,002-ի, ևս 2,376 մարդ տուժել է, շաբաթ հաղորդել Է Չինաստանի կենտրոնական հեռուստատեսությունը ՝ հղում անելով Մյանմարի լրատվամիջոցներին, փոխանցում է ՌԻԱ Նովոստին։

Սպասվում է, որ զոհերի և վիրավորների թիվը դեռ կավելանա։