Մյանմարում ավերիչ երկրաշարժի զոհերի թիվը հասել է 2,886-ի

Մյանմարում ավերիչ երկրաշարժի զոհերի թիվը հասել է 2,886-ի, ևս 4,639 մարդ վիրավորվել է, 373-ը համարվում է անհետ կորած, հաղորդել է Չինաստանի կենտրոնական հեռուստատեսությունը:

Նշենք, որ ավերիչ երկրաշարժից հետո Մյանմարի իշխանությունները 2025 թվականի մարտի 31-ից մինչև ապրիլի 6-ը մեկշաբաթյա համազգային սուգ են հայտարարել։

Անցած ուրբաթ Մյանմարում 7,7 մագնիտուդ ուժգնությամբ երկրաշարժ է տեղի ունեցել, ցնցումները զգացվել են հարևան հինգ երկրներում, այդ թվում՝ Թաիլանդում։ Մարտի 30-ին չինական «Սինհուա» գործակալությունը, վկայակոչելով իշխանություններին, հայտնել է, որ Մյանմարում երկրաշարժի զոհերի թիվը հասել է մոտավորապես 1,700-ի, 3,400մարդ վիրավորվել է, ևս 300-ը՝ անհետ կորել։