ԵՊՀ-ին ուղղված` պարագլխի նվաստացուցիչ խոսքերը ոչ թե իր, այլ համալսարանի այսօրվա վարչակազմի, դասախոսների և ուսանողների ամոթն ու խարանն են. Դավիթ Սարգսյան

Դավիթ Սարգսյանը ֆեյսբուքյան իր էջում գրում է․ 

ԵՊՀ-ին ուղղված` պարագլխի նվաստացուցիչ խոսքերը ոչ թե իր, այլ համալսարանի այսօրվա վարչակազմի, դասախոսների և ուսանողների ամոթն ու խարանն են: Այն, որ թերուսը, ԵՊՀ-ից հեռացվածը Մայր բուհը «փախստականների ճամբար» է կոչում, իսկ նրանք ոչ միայն լռում են, այլև այդ անձի քաղաքացիական կնոջն ընդունում ԵՊՀ-ում, լսում ու «կրթվում», իրենց ամոթն ու անպատվությունն է: Մարսում են, էլի են անում: Այնքան, մինչև վերջնականապես գլխատեն ու ոչնչացնեն Մայր բուհը: Արցախը ոչնչացրին, Արցախում ծառ տնկած պրոֆեսորներն ի՞նչ են, որ նրանց չնվաստացնեն:

Մատենադարանում այդ նույն տիկնոջ կազմակերպած հավաքը Մատենադարանի վարչակազմի ամոթն է, ոչ թե Աննա Հակոբյանի: Հարյուրավոր վանքեր հանձնեցին թշնամուն, Մատենադարանն իր ժառանգությամբ հո նպատակին չպիտի՞ ծառայի...