Ռուսաստանի աչքում Հայաստանի դերը բարձրացել է
Ռուսաստանի աչքում Հայաստանի դերը բարձրացել է։ Նման եզրակացության կարելի է հանգել հետևելով վերջին օրերին ռուսական լրատվամիջոցներում տարածված տեղեկությունը, թե Կրեմլում Հայաստանի հետ հարաբերություններն այսուհետև համակարգելու է Ռուսաստանի նախագահի աշխատակազմի ղեկավարի առաջին տեղակալ Սերգեյ Կիրիլենկոն։ Միանգամից մի քանի առաջատար Կրեմլին մոտ կանգնած պարբերականներ հայտնեցին, որ նախկինում հայաստանյան ուղղության համար պատասխանատու էր նախագահի աշխատակազմի ղեկավարի մեկ այլ տեղակալ՝ Դմիտրի Կոզակը, որը, թերևս, «բարեհաջող» կերպով ձախողել է հայկական ուղղությունը և այժմ հարկավոր է ոչ միայն նոր պատասխանատուներ նշանակել, այլ նաև ինտենսիվացնել հայկական կողմի հետ իրականացվող աշխատանքը։
«Վեդոմոստի» պարբերականը նշում է, թե Հայաստանի հարցում Սերգեյ Կիրիենկոն և աշխատակազմի նրան ենթակա ներքաղաքական բլոկն առայժմ ոչ թե նախընտրական, այլ տեղեկատվական աշխատանք են իրականացնելու, հաշվի առնելով, որ Հայաստանի ղեկավարությունն ակտիվորեն շարժվում է դեպի Արևմուտք, ինչը Ռուսաստանի պետական քաղաքականության տեսանկյունից անընդունելի է։ Մեկ այլ պարբերական էլ նշում է, թե հիմա հարցը ոչ թե առաջիկա ընտրությունների մեջ է, այլ Հայաստանում Ռուսաստանի ներկայության։
Բանն այն է, որ երբ 44-օրյա պատերազմից հետո Ռուսաստանը զգալի հետընթաց է արձանագրել ոչ միայն քաղաքական առումով, այլ նաև ներհայաստանյան տրամադրությունների մասով ՀՀ իշխանությունների հետևողական քաղաքականության, արևմտյան գումարներով աշխատող մտակենտրոնների, ինչու ոչ, Ռուսաստանի իշխանությունների իրականացրած սխալ քաղաքականության հետևանքով Ռուսաստանի նկատմամբ վերաբերմունքը զգալիորեն նվազել է։ Ինչը պետք է, որ մտահոգեր Կրեմլին և այդ կապակցությամբ էլ Հայաստանի գծով կուրատոր նշանակել են Կիրիենկոյին։ Վերջինս, Պուտինի ամենամերձավոր մարդկանցից մեկն է, ինչպես նաև լուրջ պրոֆեսիոնալ և անձամբ է զբաղվել Դոնբասյան ու Լուգանսկի տարածաշրջանների ինտեգրմամբ, ուստի և Կիրիենկոյի նշանակումը լրջորեն մտահոգել է Հայաստանի իշխանություններին, որոնք հասկանում են՝ իրենց քաղաքականությունն արդեն հարուցել է Մոսկվայի վերջնական զայրույթը։
Լիլիթ Դավթյան
Հուսով եմ` տիկինը կհերքի Քաջարանի կոմբինատի բեռնափոխադրման մոնոպոլիստը լինելու ասեկոսեն․ Դանիելյան
Փաշինյանի ձեռամբ ադրբեջանցի հատուկ ջոկատայինները գալու են ու «խաղաղ» տեղավորվեն ՀՀ-ում. ադրբեջանագետ
Մահացել է անվանի բժիշկ Արտավազդ Սահակյանը
Ուզել են Արշակ Սրբազանի գրպանը բան գցեն, հիշել են՝ սքեմը գրպան չունի. Հայկ Մամիջանյան
Իշխանությունը քահանա է փնտրում. ինչ է կատարվում Գյումրիում. «Ժողովուրդ»
Ռուբլին թանկացել է․ փոխարժեքն՝ այսօր
Արշակ սրբազանին վերաբերող ճեպազրույցում անզգույշ մի արտահայտություն եմ արել․ փաստաբան
Ինչո՞ւ «նետերն» ուղղվեցին հենց «կռիվը բաժանողի» վրա. «Փաստ»
Վիճաբանություն և ծեծկռտուք՝ Երևանում. կա վիրավոր. 6 մասնակիցների ինքնությունը պարզվել է
Ուրիշ ո՞ւմ հետ պետք է մենամարտեմ հիմա, եթե ոչ նրա. Ծառուկյանը նոր մրցակից է ընտրել