«Մայիսը պետք է կրկին լինի հաղթանակների ամիս». Նաիրա Կարապետյան

ԱԺ նախկին պատգամավոր Նաիրա Կարապետյանի ֆեյսբուքյան գրառումը․ «Մեկ տարի առաջ Բագրատ Սրբազանն իր մի խումբ
համախոհներով սկսեց երթ դեպի Երևան՝ սրտում ունենալով մեծ հավատ, որ հայրենիքը պատած չարիքը պետք է հաղթել:

Ընդամենը 5 օրում շարժումն այնպիսի թափ հավաքեց, որ մայիսի 9-ին Հանրապետության հրապարակն ուղղակի լեփ-լեցուն էր:

Միավորվեցին բոլորը, բացարձակապես բոլորը, ովքեր հասկանում էին, որ նպատակը մեկն է` Հայաստանի փրկությունը:

Չարիքն, իհարկե, դիմեց բոլոր արգելված մեթոդներին:

Բարին, իհարկե, չկոտրվեց:

Այսօր շատ են խոսակցություններն այն մասին, թե ժողովուրդը հիասթափված է, մարդիկ համակերպվել են, 2026-ի ընտրություններին
ընդառաջ ոչինչ էլ փոխել չի լինի և այլն:

Ես հեռու եմ վարդագույն ակնոցներով իրականությանը նայելուց, և իհարկե կարծում եմ, որ հրապարակում մեկ տարի առաջ կային նաև նեղ անձնական կամ խմբակային շահեր հետապնդողներ ևս: Նրանք եղել են ու կլինեն բոլոր ժամանակներում:

Բայց ես հավատում եմ: Հավատում եմ, որ ամեն բան փոխելն, իհարկե, հնարավոր է: Եվ այո, ինչպես ասաց Սերժ Սարգսյանը, «ոչինչ առանց պայքարի չի տրվում»:

Ես հավատում եմ, որ ինչպես ասում է Բագրատ Սրբազանը «խաղի 89 րոպեն անցել ենք, մնացել է 1 րոպեն»:

Ես հավատում եմ, որ մենք հաջողելու ենք:

Մայիսը պետք է կրկին լինի հաղթանակների ամիս:

 Բարի մայիս բոլորիս»: