Գործող իշխանություններն անցել են նոր հարկային տեռորի

Գործող իշխանություններն անցել են նոր հարկային տեռորի։ Մեր տեղեկություններով բազմաթիվ հարկատուներ, կազմակերպություններ, ձեռնարկություններ վերջին շրջանում թե՛ նամակներով և թե՛ բանավոր հրահանգներ են ստացել կանխավճար մուծել պետական բյուջե կամ էլ գերավճարներ, իսկ այդ կանխավճարը շատ դեպքերում նաև դառնում է գերավճար։ Բնականաբար, նրանք, ովքեր չեն համաձայնվում կատարել հարկայինի այս պահանջը, ինչպես նաև Աննա Հակոբյանի հիմնադրամին մուծվելու պահանջը, առաջիկայում հայտնվելու են լուրջ ճնշումների ներքո։

Մասնավորապես, թե՛ Պետեկամուտների կոմիտեն, թե՛ Քննչական ծառայությունն ու դատախազությունը կարող են այցելել նշված ըմբոստ ձեռնարկություններ։ Համակարգված հարկային տեռորի միջոցով գործող իշխանությունները փորձում են լցնել պետական բյուջեն, ինչը չափազանց բարդ գործ է, տնտեսությունը գտնվում է անկման շրջանում, հարկային եկամուտները չեն կարողանում ապահովել իշխանությունների ծախսերը, և Փաշինյանը որոշել է թիրախավորել «մեր օրերի հերոսներին», հենց հարկատուների վզին է մնալու պետական բյուջեն լցնելու ծանրությունը։

Ի դեպ, չափազանց հիասթափված են այն գործարարները, որոնք ժամանակին աջակցել են Նիկոլ Փաշինյանի իշխանությանը, այն հաշվարկով, որ կկարողանան այդ կերպ որոշակի արտոնություններ ձեռք բերել, բայց նրանց էլ մյուսների հետ հավասար ճնշումների են ենթարկում, նամակներով և բանավոր պարտադրում գումարներ վճարել, և այժմ շատ շատերը նույնիսկ մտածում են իրենց բիզնեսները Հայաստանից դուրս բերելու, արտերկիր տեղափոխելու մասին։

Էլիզա Աբգարյան