Audi-ն ներկայացրել է նոր A6 plug-in հիբրիդային մոդելներ

Գերմանական Audi մեքենաշինական ընկերությունն ընդլայնել է նոր A6 մոդելների շարքը՝ ներկայացնելով երկու plug-in հիբրիդային տարբերակ՝ A6 Sedan e-hybrid quattro և A6 Avant e-hybrid quattro, հայտնում է korrespondent.net-ը:

Նոր մոդելների դիզայնը պահպանում է Audi-ի բնորոշ ոճը: Հիբրիդների հիմնական նորամուծությունը նոր սերնդի բարձր հզորությամբ մարտկոցն է, որն ունի 25,9 կՎտ/ժ հզորություն, ինչը 45%-ով ավելի է նախորդ տարբերակից և թույլ է տալիս մեքենաներին անցնել ավելի քան 100 կմ՝ զուտ էլեկտրական քարշով։

Երկու տարբերակներն էլ ստացել են 2.0 TFSI բենզինային շարժիչի համակցություն՝ 252 ձիաուժ հզորությամբ և 142 ձիաուժ առավելագույն հզորությամբ էլեկտրական շարժիչ: Ամենահզոր կոնֆիգուրացիայում՝ 367 ձիաուժ ընդհանուր հզորությամբ, մեքենաները 0-ից 100 կմ/ժ արագություն են զարգացնում 5,3 վայրկյանում։ 299 ձիաուժ հզորությամբ տարբերակում արագացումը տևում է 6 վայրկյան: Բոլոր տարբերակների համար առավելագույն արագությունը 250 կմ/ժ է։

Գերմանիայում A6 Sedan e-hybrid quattro-ի գինը 229 ձիաուժ հզորությամբ հիմնական տարբերակի համար սկսվում է 65, 800 եվրոյից, իսկ A6 Avant-ինը՝ 68, 300 եվրոյից: 367 ձիաուժ հզորությամբ սեդանն արժե 75,000 եվրոյից, Avant-ը՝ 77,550 եվրոյ: Նոր A6 հիբրիդային մոդելների պատվերները կբացվեն 2025 թվականի մայիսի 8-ին, իսկ առաջին առաքումները նախատեսված են այս ամառ: