Փաշինյանի իշխանությունը վախենում է «Սրբազան պայքարից» ու սոսնձից
Փաշինյանի իշխանությունը մեկ տարուց ավելի փորձում է հանրությանն ապացուցել, որ Բագրատ արքեպիսկոպոս Գալստանյանի գլխավորած «Սրբազան պայքարը» մարել է և այլևս վտանգ չի ներկայացնում Նիկոլ Փաշինյանի իշխանության համար։ Միևնույն ժամանակ գործող իշխանությունն՝ իր խամաճիկ ոստիկանության և ռեպրեսիվ մեքենայի միջոցով, ամենակոշտ ձևով պայքարում է հենց «Սրբազան պայքարի» դեմ։ Երեկ երեկոյան ոստիկանները Նոր Նորքի տարածքից ձերբակալել և բերման են ենթարկել մի քանի աղջիկների, որոնց մեղքն ընդամենը մեկն էր՝ Փաշինյանի դիմանկարով և «Չենք վստահում» գրառումով պաստառներ էին փակցնում փողոցներում։
Ժամեր շարունակ աղջիկներին պահել են ոստիկանությունում, մինչ փորձել են քրեական գործ կարել։ Ավելի ուշ Ներքին գործերի նախարարությունից հայտարարել են, թե վարչական իրավախախտում կատարելու մեղադրանքով 3 անձ տեղափոխվել է համայնքային ոստիկանության Նոր Նորքի բաժին։ Նրանց նկատմամբ կազմվում են վարչական իրավախախտման վերաբերյալ արձանագրություններ։ Ավելի ուշ աղջիկներին ազատ են արձակել, նրանց մոտից բռնագրավելով սոսինձն ու պաստառները։
Մի կողմից կարելի է զարմանալ, թե ինչու է փաշինյանական իշխանությունն այսպես դաժանաբար պայքարում «Սրբազան պայքարի» դեմ, քանի որ Բագրատ Սրբազանի գլխավորած շարժումն իշխանությունների դեմ պայքարում է ոչ իր մեթոդներով, առանց հայհոյանքների, քաղաքական խոսքով, «Չեմ վստահում» ասելով, հանրությանը ցույց տալով, թե ով է իրականում Նիկոլ Փաշինյանը, ինչ է իրենից ներկայացնում նրա իշխանությունը։ Եվ հենց դա է պատճառը, որ վարչախումբն իսկապես վախենում է քաղաքակիրթ և ուղղամիտ խոսքից։ Չի կարողանում հանդուրժել, որ անպաշտպան մի քանի աղջիկներ կարողանում են խուճապի մատնել փաշինյանական վարչախմբին, նրանց դեմ պայքարում ավելի կոշտ, քան, օրինակ, կպայքարեր խորհրդարանում իրենց «լավը» հայհոյող ընդդիմադիր պատգամավորների դեմ։ Սա փաշինյանական իշխանության վախի դրսևորումն է, իսկ «Սրբազան պայքարը», որ դեռևս չի հաջողել, վաղուց արդեն բռնել է գործող իշխանության վախը։
Արմինե Հակոբյան
ՔՊ-ականներն ահաբեկում են անգամ անչափահասներին. «Հրապարակ»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
«Հրապարակ». Հավաքին մասնակցելու համար ազատել են պաշտոնից
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
Երևանում և մարզերում լույս չի լինի. հասցեներ
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
«Մասկա օպերացիա». իրավապահները հրահանգ են ստացել. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
Իշխանությունների թիրախում են ակտիվ արցախցիները. «Հրապարակ»
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր