Ձախողված այց Տիրանա. Եվրոառաջնորդների արհամարհական վերաբերմունքը Փաշինյանին
Իշխանական քարոզչամեքենան Ալբանիայի մայրաքաղաք Տիրանայում կայացած Եվրոպական քաղաքական համայնքի 6-րդ գագաթնաժողովի ընթացքում Նիկոլ Փաշինյանի հանդիպումները փորձում է որպես դիվանագիտական հերթական ձեռքբերումներ ներկայացնել։ Թեպետ նույնիսկ Փաշինյանի տարածած տեսանյութերից ակնհայտ է չափազանց արհամարհական վերաբերմունքը նրա նկատմամբ։ Ընդ որում, այդպիսի վերաբերմունք դրսևորում են ոչ միայն Թուրքիայի և Ադրբեջանի նախագահները, այլև եվրոպական պետությունների առաջնորդները, որոնք նախկինում նման գագաթնաժողովների ընթացքում, նշենք, որ չափազանց հարգալից վերաբերմունք ունեին Փաշինյանի հանդեպ, ուստի բնավ զարմանալի չեն Փաշինյանի նյարդային ցնցումները, անընդհատ ինչ-որ մարդկանց մոտենալու, առաջարկներ անելու, զրուցելու փորձերը։
Ավելին, Հայաստանի կառավարության աշխատակազմը, Հայաստանի ու Ադրբեջանի ղեկավարների մի քանի րոպե տևած կիսատ զրույցը ոտքի վրա, ապա և դեմ դիմաց նստած, փորձում է ներկայացնել իբր լուրջ բանակցություններ։ Պաշտոնական Երևանը կարճ հաղորդել է, թե երկուստեք կարևորվել է Հայաստան-Ադրբեջան խաղաղության համաձայնագրի տեքստի համաձայնեցումը, կողմերը քննարկել են ընթացիկ վիճակը և կարևորել ստորագրման ուղղությամբ գործընթացի շարունակականությունը։
Որևէ առաջընթացի կամ ստորագրման ուղղությամբ պայմանավորվածություն այդպես էլ ձեռք չի բերվել, առավել ևս տարօրինակ է պայմանագրի համաձայնեցման մասին հաղորդումը, քանի որ դեռ ամիսներ առաջ հայկական կողմը հայտարարել է, որ համաձայնագիրը համաձայնեցվել է։ Անգամ սոցցանցերում տեսանյութ է հայտնվել, թե ինչպես է Փաշինյանն Ալիևին առաջարկում գնալ, սուրճ խմել և զրուցել, իսկ Ադրբեջանի նախագահն էլ պատասխանում է՝ «հիմա կգամ, քննարկում ունեմ»։
Փաստացի՝ Նիկոլ Փաշինյանի վարքից կարելի է տպավորություն ստեղծել, որ ամեն ինչ անում է տարբեր քաղաքական առաջնորդների մոտենալու, նրանց հետ մի քանի բառ փոխանակելու, այդ կերպ իր քաղաքական կշիռը բարձրացնելու նպատակով։ Չի բացառվում, որ Փաշինյանի նկատմամբ եվրոպական առաջնորդների այս դյուրագրգիռ և ոչ այնքան բարյացակամ վերաբերմունքը կապված է մայիսի 9-ին Մոսկվա մեկնելու և Հաղթանակի շքերթին մասնակցելու փաստով։ Եվրոպան դեռ դրանից առաջ էր զգուշացում արել, իսկ այժմ էլ բացահայտ վերաբերմունք է ցույց տալիս Նիկոլ Փաշինյանին։
Նարինե Թումանյան
Մեր զորակցությունն ու աջակցությունն ենք հայտնում Գագիկ Ծառուկյանին և նրա ընտանիքին․ Խաչիկ Ասրյան
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
Արցախցիների պահանջը՝ իրենց տներ վերադառնալու, ոչ մի կերպ առիթ չի կարող դառնալ պատերազմ հրահրելու. Ան...
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
ԶՊՄԿ-ում աշխատելը՝ կայունության, զարգացման և նոր հնարավորությունների մասին
Եկող տարի մենք ունենալու ենք գյուղմթերքի դեֆիցիտ. Հրայր Կամենդատյան
«ՀայաՔվե» ազգային քաղաքացիական միավորման անդամներն այցելել են «Եռաբլուր» պանթեոն
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»
«Օրրան»-ի սաները նոր ուսումնական տարին սկսեցին «Մի դրամի ուժը» նախաձեռնության աջակցությամբ
50% աղքատություն՝ արցախցիների շրջանում․ «բարեկեցություն» բառով իրականությունը չեք փոխի․ Արեգա Հովսեփ...