Այսրոպեական հաճույքի համար Փաշինյանը վարկանիշի լուրջ կորուստ է գրանցելու
Հայաստանում վերջին տարիներին սոցիոլոգիական հարցումներ իրականացնում են բազմաթիվ կազմակերպություններ և կառույցներ, բացի «Գելափի» տեղական գրասենյակից, հարցումներ անում են նաև ամերիկյան տարբեր կազմակերպություններ, ինչպես նաև Հայաստանի Ազգային անվտանգության ծառայությունը, որի տվյալները դրվում են վարչապետի պաշտոնը զբաղեցնող Նիկոլ Փաշինյանի սեղանին։ Գործող իշխանությունը միշտ է ցանկացել հասկանալ, թե ինչ վարկանիշ ունի հանրության շրջանում։ Շատ դեպքերում այդ հարցումների տվյալները, նույնիսկ եթե գաղտնի են, հայտնվում են հանրության դատին՝ տեղեկատվական արտահոսքերի միջոցով։
Ըստ բոլոր այդ հարցումների, Փաշինյանն ամենացածր վարկանիշն ունի հիմնականում 18-ից 35-տարեկան սեգմենտում, որտեղ գրեթե նրան ընդունողներ չկան։ Որոշակի աջակիցներ գործող իշխանությունն ունի 60 տարեկան և բարձր հատվածում։ Ընդ որում, Փաշինյանի բախտից հենց այդ տարեց խումբն է, որ առավելապես ակտիվ է լինում ընտրություններին և դրա համար կարևոր է, այսպես կոչված, խորհրդային դաստիարակությունը, երբ մարդիկ սիրուն հագնվում և գնում էին ընտրությունների, կարծես տոնի մասնակցելիս լինեն։ Բայց այս հանգամանքն արդեն կարող է Փաշինյանի համար չափազանց վատ խաղ խաղալ՝ հաշվի առնելով օրերս Հանրային հեռուստաընկերության տեղի ունեցած աղմկահարույց և խայտառակ հարցազրույցը, երբ կասկածի տակ դրվեց Հայրենական մեծ պատերազմում Հայաստանի մասնակցությունը՝ ընդհուպ արդարացնելով հիտլերյան Գերմանիայի քայլերը։
Հիմա արտաքին պատվերով և անգլիացիների հանձնարարությամբ ֆաշիզմի արդարացման գործընթաց սկսելով՝ Նիկոլ Փաշինյանը լուրջ հարված է հասցնում այդ սերնդին, իսկ տարեցները հայտնի է, որ չափազանց զգայուն վերաբերմունք ունեն խորհրդային անցյալի նկատմամբ, հաշվի առնելով, որ իրենց պապերն ու հայերն են մասնակցել մեծ հայրենականին, հաղթանակ տարել, զոհվել։ Եվ այժմ գնալով ֆաշիզմի արդարացման ու Հաղթանակի ուրացման ճանապարհով՝ Փաշինյանը կարող է բավականին լուրջ հարված ստանալ 60 պլյուս ընտրազանգվածի կողմից։ Միգուցե այսրոպեական օգուտ ստանալով նման հարցազրույցներով, Փաշինյանն ավելի ու ավելի է կորցնելու և մեկ տարվա ընթացքում վարկանիշի նվազում է արձանագրելու, առանց այն էլ գրեթե բոլոր վերջին հարցումները վկայում են, որ Փաշինյանը լավագույն դեպքում 10-11 տոկոսի վարկանիշ ունի։
Հասմիկ Միրզոյան
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Բնակարանային գողություններ կատարող Հրազդանի 2 բնակիչները հայտնաբերվել են,գողությունները՝ բացահայտվել
Թրամփի հետքայլն ու քրդական պլացդարմի ձախողումը. Իրանը չեզոքացրեց վտանգը․ իրանագետ
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ