ԱԺ ընդդիմադիր մանդատները կարող են արդարացված լինել իմփիչմենտի գործընթացով, այլապես, պատմությունը գրելու է, որ Արցախը նվիրելիս ԱԺ-ն դե ֆակտո ընդդիմությունը «չի ունեցել»․ Զաքարյան

ԱԺ ընդդիմադիր մանդատները կարող են արդարացված լինել իմփիչմենտի գործընթացով, այլապես, պատմությունը գրելու է, որ Արցախը նվիրելիս ԱԺ-ն դե ֆակտո ընդդիմությունը «չի ունեցել»։  Այս մասին ֆեյսբուքյան էջում գրել է ՀՀԿ ԳՄ անդամ Արտակ Զաքարյանը:

«Իմփիչմենտի գործընթացում հովանավորներ փնտրողներին պետք է ասել հետևայլը.

1. Նախ ՀՀ վարչապետին անվստահություն հայտնելու «հովանավորը» ՀՀ սահմանադրությունն է, ոչ թե ՀՀ առաջին, երկրորդ կամ երրորդ նախագահը: Եվ, եթե ստեղծված աղետալի իրավիճակում, պայքարի այս ձևը վաղուց բացազատելու փոխարեն, գործընթացի հովանավորներ են փնտրվում՝ առնվազն տարօրինակ է:

2. Այս հինգ տարիներին, ԱԺ ընդդիմադիր 36 մանդատները կարող են արդարացված լինել առաջին և միակ հերթին իմփիչմենտի գործընթացով, որում թիվ մեկ շահագրգիռը կարծում եմ պետք է այդ մանդատների կրողները լինեն: Այլապես, պատմությունը գրելու է, որ դավադիր իշխանությունների կողմից Արցախը թշնամուն նվիրելիս, Հայաստանի տարածքները բաժանելիս, ՀՀ պետականությունը քայքայելիս ՀՀ ԱԺ-ն դե ֆակտո ընդդիմությունը «չի ունեցել»: Եթե համաձայն չեք, ուրեմն ողջամիտ բացատրեք, «բա էլ ո՞ր դեպքի համար է, վարչապետին անվստահություն հայտնելու գործընթացը»: Սպասում եք, որ ամբողջովին ձախողված Նիկոլն ի՞նքը նախաձեռնի իրեն անվստահություն հայտնելու գործընթացը: Այդ դեպքի համար ընդդիմության մանդատներն անգամ պետք չեն...

3. Եվ վերջապես, եթե որևէ նպատակի հասնելու համար կա ցանկություն, ապա փնտրվում են լուծումներ, եթե ցանկություն չկա՝ ապա հազար ու մի պատճառներ»,-գրել է նա։