Փաշինյանը կեղծ խաղաղության օրակարգով փորձում է հասարակությանը «կերակրել» ու մեկ անգամ ևս վերընտրվել. Իշխան Սաղաթելյան

Դա անհայրենիք, անսրբություն անձի ձևակերպումներ են: Իր իշխանության տարիներին Հայաստանի ինքնիշխանության մակարդակն իջել է պլենտուսի աստիճան: Այս մասին լրագրողների հետ զրույցում ասաց  ՀՅԴ ԳՄ ներկայացուցիչ Իշխան Սաղաթելյանը՝ անդրադառնալով Նիկոլ Փաշինյանի՝ Սարդարապատում արված այն հայտարարությանը,  որ մենք այսօր ավելի՛ պետություն ենք, ավելի՛ ինքնիշխան ենք, քան երբևէ, իսկ հայ ժողովուրդը այսօր հայրենիք փնտրելու կարիք չունի:

«Իր իշխանության տարիներին ՀՀ տարածքային ամբողջականությունը խաթարված է, թշնամին գտնվում է ՀՀ ինքնիշխան տարածքում, հետևաբար ինքը պետականությունից, հայրենիքից խոսելու իրավունք չունի, որովհետև ինքը դրա թշնամին է: Նիկոլ Փաշինյանն իրական Հայաստանի կոնցեպտով փորձում է արդարացնել այն բոլոր զիջումները, որոնք արվել են թշնամուն», -ասաց նա:  

Սաղաթելյանի խոսքով՝ հանձնումները հիմնավորելու համար հորինել է իրական Հայաստանի կոնցեպտը և կեղծ խաղաղության օրակարգը, որով փորձում է մեր հասարակությանը «կերակրել». «Դրանով նա փորձում է  ևս մեկ անգամ վերընտրվել կամ վերարտադրվել»,-եզրափակեց Սաղաթելյանը: