Քննարկվել են հրդեհների կանխարգելմանն ուղղված հարցեր. ՆԳՆ-ում տեղի է ունեցել աշխատանքային խմբի նիստ
Քննարկվել են հրդեհների կանխարգելմանն ուղղված հարցեր. ՆԳՆ փրկարար ծառայությունում տեղի է ունեցել միջգերատեսչական աշխատանքային խմբի նիստ (ՏԵՍԱՆՅՈՒԹ)
Դեկտեմբերի 10-ին ՆԳՆ փրկարար ծառայությունում տեղի է ունեցել միջգերատեսչական աշխատանքային խմբի հերթական նիստը, որը վարում էր ՆԳՆ փրկարար ծառայության տնօրեն-ՆԳ նախարարի տեղակալ Կամո Ցուցուլյանը։
Մասնակցում էին գերատեսչությունների ղեկավար կազմի ներկայացուցիչներ։
Շնորհակալություն հայտնելով արդյունավետ համագործակցության համար՝ ՓԾ տնօրենը նշել է, որ տարբեր գերատեսչությունների մասնակցությամբ քննարկումներն անչափ կարևոր են համատեղ լուծումներ գտնելու համար։ Նրա խոսքով՝ աշխատանքային խմբի առաջնահերթ խնդիրներն են տեխնածին երևույթների ռիսկերի նվազեցումը, հնարավոր արտակարգ իրավիճակների կանխարգելումն ու դրանց հետևանքների վերացմանն ուղղված արդյունավետ միջոցառումները։
Աղետների ռիսկերի արդյունավետ կառավարումը պահանջում է շարունակական և համակարգված աշխատանք, արագ արձագանքման հմտությունների կատարելագործում՝ ի նպաստ հանրության անվտանգության ապահովման՝ ընդգծել է Կամո Ցուցուլյանը:
Փրկարար ծառայության բնակչության պաշտպանության և աղետների ռիսկի նվազեցման վարչության պետ Գուրգեն Մարտիրոսյանը ներկայացրել է ընթացիկ տարում Փրկարար ծառայության աշխատանքներն ու ուսումնասիրությունների արդյունքները։
Քննարկվել են հրդեհների առաջացման, կանխարգելման և վերահսկման խնդիրները, մասնավորապես՝ արտադրական և պահեստային տարածքներում, հասարակական օբյեկտներում, մարդկանց զանգվածային կուտակման վայրերում, ժամանցային կենտրոններում, անտառային և բուսածածկ տարածքներում հրդեհների կանխարգելման ուղղությամբ իրականացվող միջոցառումների արդյունավետության հարցեր։ Անդրադարձ է կատարվել նաև վերջին շրջանում աղբավայրերում հաճախակի դարձած հրդեհների բնույթին ու վերահսկման մեխանիզմներին։
Միջգերատեսչական աշխատանքային խմբի անդամները ներկայացրել են իրենց գերատեսչությունների կողմից իրականացվող ծրագրերը, բարձրաձայնել առկա խնդիրներն ու առաջարկել ոլորտային լուծումներ։
Քննարկումների արդյունքում ձեռք բերված պայմանավորվածությունների հիման վրա որոշվել է համակարգային խնդիրների նկատմամբ կիրառել համալիր, փոխկապակցված և երկարաժամկետ արդյունավետություն ապահովող մոտեցում, ինչպես նաև համատեղ աշխատանքների արդյունավետության նպատակով հստակեցնել ու կատարելագործել համագործակցության գործիքակազմը։
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Բնակարանային գողություններ կատարող Հրազդանի 2 բնակիչները հայտնաբերվել են,գողությունները՝ բացահայտվել
Թրամփի հետքայլն ու քրդական պլացդարմի ձախողումը. Իրանը չեզոքացրեց վտանգը․ իրանագետ
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ