Ալոնսոն Ռեալում սխալվելու իրավունք գրեթե չունի. The Athletic

Մադրիդի «Ռեալի» գլխավոր մարզիչ Խաբի Ալոնսոն սխալվելու իրավունք այլևս չունի։ Այս մասին գրում է armsport.am-ը։

Կիրակի օրը կայացած Լա լիգայի 16-րդ տուրում «Արքայական ակումբը» հյուրընկալվելիս 2:1 հաշվով հաղթել է «Ալավեսին»։ The Athletic-ի տեղեկություններով՝ այս հաղթանակը փոքր-ինչ մեղմել է 44-ամյա բասկ մասնագետի շուրջ ստեղծված լարվածությունը, սակայն ակումբի տարբեր օղակներում, այդ թվում՝ ղեկավարության շրջանում, դեռևս կասկածներ կան Ալոնսոյի նախագծի վերաբերյալ։

Չորեքշաբթի «Ռեալը» Իսպանիայի գավաթի խաղարկության 1/16 եզրափակչի շրջանակում արտագնա խաղում ուժերը կչափի երրորդ դիվիզիոնի աուտսայդեր «Տալավերայի» հետ։ Այս խաղում հնարավոր ձախողումը կընկալվի որպես աղետ, որին կհաջորդեն լուրջ որոշումներ։

Միևնույն ժամանակ, մադրիդյան ակումբը նախընտրում է Ալոնսոյին թողնել գլխավոր մարզչի պաշտոնում այնքան ժամանակ, քանի դեռ արդյունքները թույլ են տալիս, սակայն Խաբին սխալվելու տեղ գործնականում չունի։