«Լատվեներգո». Բալթիկ երկրներում արևային էլեկտրակայանների մասնաբաժինը աճել է մինչև 26%

Բալթիկ երկրներում տեղադրված արևային էներգիայի հզորության մասնաբաժինը 2021 թվականի ընդհանուր հզորության 4%-ից աճել է մինչև 26% 2025 թվականին, էլեկտրաէներգիայի շուկայի վերանայման ժամանակ հայտնել է «Լատվեներգո» ԲԲԸ ներկայացուցիչ Ռոդիկա Պրոխորովան, գրում է delfi.lv–ն։

Նա նշել է, որ Բալթիկ երկրներում արևային էներգիայի հզորության աճի տեմպը վերջին հինգ տարիների ընթացքում տարբերվել է, սակայն 2025 թվականին ամենաբարձր մասնաբաժինը գրանցվել է Էստոնիայում՝ 1,174 մեգավատ (ՄՎտ) կամ երկրի ընդհանուր տեղադրված հզորության 34%-ը, Լիտվայում այդ մասնաբաժինը կազմել է 1,718 ՄՎտ կամ ընդհանուր տեղադրված հզորության 28%-ը, իսկ Լատվիայում՝ 450 ՄՎտ կամ 13%–ը։

Լիտվան ունի Բալթիկ երկրներում ունի ամենամեծ տեղադրված հզորությունը։ Չնայած Լատվիայում արևային էներգիայի մասնաբաժինը զգալիորեն ցածր է, քան հարևան երկրներում, բայց նա վերջին տարվա ընթացքում գրանցել է աճի ամենաբարձր տեմպերը, ինչը վկայում է դրական, թեև ոչ արագ զարգացման մասին, հավելել է Պրոխորովան։

«Լատվեներգոյի» ներկայացուցչի խոսքով Լատվիայում կառուցվում են նոր հզորություններ։ Արևային էներգիայի զարգացումը բավարարում է ամռանը ցերեկային ժամերին էներգիայի պահանջարկը, ինչը նշանակում է, որ գագաթնակետային ժամերին ամենաէժան արտադրության աղբյուրը ազդում է էլեկտրաէներգիայի գների վրա։ Միևնույն ժամանակ, ամռանը ջրի ցածր հոսքը սահմանափակում է հիդրոէլեկտրակայանների (ՀԷԿ) զարգացումը, Բացի դա Սկանդինավյան և Բալթյան երկրներում ջերմաէլեկտրակայաններում, ատոմակայաններում և փոխանցման կայաններում վերանորոգման աշխատանքներ են ընթանում։

Օրինակ այս տարվա 27-րդ շաբաթում՝ հուլիսի սկզբին, գրանցվել է Բալթյան երկրներում արևային էներգիայի ամենաբարձր արտադրությունը՝ 149 գիգավատտ-ժամ (ԳՎտժ), որը ծածկում է շաբաթական էլեկտրաէներգիայի սպառման 34%-ը։

Պրոխորովան նաև նշել է, որ արևային էներգիայի արագ աճը նաև մարտահրավերներ է ստեղծում, քանի որ արևային էներգիան բնութագրվում է սեզոնայնությամբ և տատանվող արտադրությամբ, ինչը կարող է հանգեցնել գերմատակարարման և նույնիսկ բացասական էլեկտրաէներգիայի գների։ Հետևաբար, արտադրված էլեկտրաէներգիան ավելի արդյունավետ օգտագործելու համար էներգիայի կուտակման անհրաժեշտությունը գնալով ավելի հրատապ է դառնում։

Հայաստանում արևային պանելներ արտադրող առաջին և միակ ընկերությունը Սոլարոնն է։

Տեղադրե՛ք  SolarOn արևային կայան և զրոյացրեք էլեկտրաէներգիայի ծախսը։

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]