Ուկրաինային 800 միլիարդ եվրո տրամադրելը Եվրոպային կտանի տնտեսական փլnւզման. Օրբան

Ուկրաինան պահանջում է 800 միլիարդ եվրո հաջորդ տասնամյակի ընթացքում՝ չհաշված ռազմական ծախսերը: Մենք հրաժարվում ենք։ Այս ուղին թուլացնում է Եվրոպան և տանում այն ​​տնտեսական փլուզման, սոցցանցերում գրել է Հունգարիայի վարչապետ Վիկտոր Օրբանը՝ ТАСС-ի փոխանցմամբ։

Հունվարի 10-ին իշխող «Ֆիդես-Հունգարիայի քաղաքացիական միություն» կուսակցության առջև իր ելույթի ժամանակ վարչապետը հաստատել է, որ իր կառավարությունը չի ֆինանսավորի Ուկրաինային, քանի որ դա կպահանջի, որ Հունգարիան հրաժարվի բազմաթիվ սոցիալական ծրագրերից, այդ թվում՝ նվազագույն աշխատավարձի բարձրացումից, 14-րդ կենսաթոշակի վճարումից և երիտասարդ ընտանիքներին աջակցելուց։

Հունվարի 3-ին Ուկրաինայի փոխվարչապետ Տարաս Կաչկան հայտարարել է ԵՄ ներկայացուցիչների հետ համաձայնության մասին՝ Կիևին 10 տարվա ընթացքում ընդհանուր առմամբ 800 միլիարդ դոլարի գլոբալ օգնության փաթեթ հատկացնելու վերաբերյալ: Ուկրաինայի իշխանությունների կարծիքով, սա պետք է դառնա այսպես կոչված խաղաղության ծրագրի մաս, որը նրանք ներկայացրել են դեկտեմբերի 24-ին Միացյալ Նահանգներում բանակցությունների ժամանակ: