Փաշինյանը սլանում է դեպի բռնապետություն
Երևանի Սուրբ Աննա եկեղեցու բակում երեկ տեղի ունեցած միջադեպն ու դրան իշխանությունների արձագանքը հերթական անգամ վկայում է, որ Հայաստանը լայն ցատկերով սլանում է դեպի բռնապետություն։ Երեկ երեք քաղաքացի է բերման ենթարկվել՝ խուլիգանության և պաշտոնատար անձի օրինական ծառայողական և քաղաքական գործունեությանը միջամտելու կասկածանքով։ Եկեղեցում միջադեպ էր գրանցվել, երբ Նիկոլ Փաշինյանն անվտանգության աշխատակիցների ու մյուս պաշտոնյաների ուղեկցությամբ փորձում էր դուրս գալ։ Պատարագը դեռ չէր ավարտվել։ Երբ անվտանգության աշխատակիցները ճանապարհ էին բացում, ամբոխից մի երիտասարդ վրդովվեց՝ հորդորելով չհրել։
«Տենց չնայես ինձ»,- դիմեց երիտասարդը վարչապետին, ինչից հետո փորձեց ձեռքով հարվածել։ Փաշինյանը թիմակիցներին հորդորեց չարձագանքել՝ ձեռքով լռություն պահելու ժեստ ցույց տալով։ Բայց Փաշինյանի հեռանալուց կարճ ժամանակ անց իրավապահները հարձակվեցին երիտասարդի վրա՝ ուժով քաշքշելով բերման ենթարկեցին, նրա հետ էլ՝ երկու դպրոցական եղբայրների։ Իրավապահները դեռ մեղադրանք չեն առաջադրել բերման ենթարկվածներին։ Ըստ փաստաբանի՝ ձերբակալված եղբայրներից մեկի՝ Միքայել Մինասյանի առողջական վիճակը վատացել է ՁՊՎ-ում։
Իշխանությունը հակված է մինչև վերջ պատժել երեք ձերբակալվածներին, որպեսզի դա դաս լինի մյուս բոլորի համար, ովքեր չհանդգնեն թարս նայել երկրի վարչապետի պաշտոնը զբաղեցնող անձին։ Դեպքից հետո իշխանական քարոզչամեքենան վայնասուն է բարձրացրել՝ իբր Փաշինյանի կյանքին վտանգ էր սպառնում, ընդհուպ՝ միջադեպը համեմատելով հոկտեմբերի 27-ի հետ։ Սա էլ վկայում է, որ փաշինյանական իշխանությունը, փորձելով չարաշահել հասարակության վախերը, ամեն ինչ անում է Հայաստանում ազատ խոսքի վրա բռնանալու համար։
Աննա Մարգարյան
Կախվածություն սահմանափակ թվով ընկերություններից. ի՞նչ նկարագիր ունի Հայաստանի տնտեսությունը. «Փաստ»
...
Ահազանգ․ Տիգրանաշենի խաղահրապարակի վերակահավորման համար «Ուժեղ Հայաստանին» դատի տալու սպառնալիք են հ...
Փաշինյանն ընտրություններից առաջ ճշմարտությունը թաքցրեց հանրությունից. Դավիթ Ղազինյան
Երկու տարի անց կրկին նույն խնդրի առաջ ենք կանգնած. Արցախ TV-ին կարող է կորցնել տարածքը
ՔՊ-ն քաղաքացիներին զրկում է քվեարկելու իրավունքից. Մենուա Սողոմոնյան
Ալիևը կշարունակի նոր զիջումներ պահանջել, իսկ Փաշինյանը՝ զիջել․ Արամ Վարդևանյան
Հայաստանում գյուղատնտեսությունն այս տարի շեշտակի անկում է ապրել. Նարեկ Կարապետյան
Անհավասար պայքարի հետքերով. ի՞նչ արձանագրեցին վերջին ՏԻՄ ընտրությունները. «Փաստ»
Շարունակելու ենք պայքարել հանուն արդարության և ազատ Հայաստանի․ Արման Աբովյան
Արմեն Սահակյան․ Հովհաննավանքում կարգալույծ քահանայի ձեռքից Սուրբ Գիրքը վերցրած երիտասարդը