Արևային էներգետիկայի վերելքը կպաշտպանի Գերմանիան շրջափակման հետևանքներից

Bloomberg-ը կանխատեսում է, որ այս ամառ Գերմանիայում արևային էներգիայի արտադրության կտրուկ աճ կգրանցվի։ Սա կօգնի մասնակիորեն պաշտպանել Եվրոպան Մերձավոր Արևելքում տիրող պատերազմի հետևանքներից՝ նվազեցնելով հեղուկացված բնական գազի ներմուծման պահանջարկը։ Ըստ հոդվածի՝ ապրիլից սեպտեմբեր ընկած ժամանակահատվածում Եվրոպայի խոշորագույն էներգետիկ շուկայում արևային էներգիայի արտադրությունը կկազմի միջինում մոտ 16,5 ԳՎտ, ինչը մոտ 31%-ով ավելի է նախորդ տարվա ցուցանիշից։

Bloomberg-ի հաշվարկներով՝ սա նույն ժամանակահատվածում էլեկտրաէներգիայի արտադրության համար գազի պահանջարկը կկրճատի մոտ 29%-ով, ինչը համարժեք է շուրջ ինը LNG տանկերների պարունակությանը։ Գործակալությունը նշում է, որ այս տարի Գերմանիայում արևային վահանակների քանակը կավելանա 15%-ով։ Սա կհանգեցնի «կանաչ» էներգիայի արտադրության աճի և կօգնի մեղմել մրցակցությունը ասիական գնորդների հետ, քանի որ Մերձավոր Արևելքի հակամարտությունը բարձրացնում է գազի գները։

Վերականգնվող աղբյուրներից ստացվող լրացուցիչ էներգիան Եվրոպային նաև հնարավորություն կտա հանգիստ լրացնել գազի սպառված պաշարները՝ հաջորդ ձմռանն ընդառաջ։ BloombergNEF-ի տվյալներով՝ արևային էներգետիկայի աճը նշանակում է, որ հուլիսին Գերմանիայում գազի հաշվին էլեկտրաէներգիայի արտադրությունը կնվազի մինչև մոտ 2,5 ԳՎտ։ Իսկ ածխի միջոցով արտադրվող էներգիան, որը դեռևս կարևոր դեր ունի երկրի էներգետիկ հաշվեկշռում, ապրիլից սեպտեմբեր ընկած ժամանակահատվածում կկրճատվի շուրջ 63%-ով՝ հասնելով մոտ 3,2 ԳՎտ-ի։

Հայաստանում արևային պանելներ արտադրող առաջին և միակ ընկերությունը Սոլարոնն է։

Տեղադրե՛ք  SolarOn արևային կայան և զրոյացրեք էլեկտրաէներգիայի ծախսը։

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]