Կթանկանա՞ն արդյոք արևային վահանակները
Արևային էներգետիկան, որը նախկինում համարվում էր միայն «էկո-էլիտայի» թանկարժեք հաճույքը, վերջին տասնամյակում վերածվել է աշխարհի ամենամատչելի էլեկտրաէներգիայի աղբյուրներից մեկի: 2010 թվականից ի վեր ֆոտովոլտային (ՖՎ) վահանակների և կուտակիչ համակարգերի գները նվազել են շուրջ 90%-ով: 2024 թվականին Եվրամիությունում սպառվող էլեկտրաէներգիայի գրեթե քառորդ մասը (23,4%) արդեն բաժին էր ընկնում արևային էներգիային:
Իսկ Մերձավոր Արևելքում բռնկված հակամարտությունների և գազի ներկրման կրճատման ֆոնին, արևային գեներացիան Եվրոպային թույլ է տվել օրական խնայել ավելի քան 100 միլիոն եվրո: Սակայն այս «կանաչ» հաջողությունը հայտնվել է լուրջ սպառնալիքի տակ: Պատճառը Եվրոպայի գրեթե բացարձակ կախվածությունն է արտաքին շուկայից. ԵՄ-ի ներկրած արևային վահանակների 98%-ը բաժին է ընկնում Չինաստանին: Պեկինը 2011 թվականից ի վեր ավելի քան 50 միլիարդ դոլար է ներդրել այս ոլորտում՝ վերահսկելով համաշխարհային արտադրական կարողությունների 80%-ից ավելին: Եվրոպական գործարանները հիմնականում զբաղվում են միայն վերջնական հավաքմամբ և ի վիճակի չեն մրցակցել չինական ինքնարժեքի հետ: Այսուհանդերձ, չինական մենաշնորհը հանգեցրել է ներքին կատաղի մրցակցության, ինչի պատճառով արտադրողները ստիպված էին արտադրանքը վաճառել ինքնարժեքից ցածր գնով: Մինչև 2024 թվականի սկիզբը չինական ընկերությունների զուտ վնասը կազմել էր շուրջ 5 միլիարդ դոլար:
Ճգնաժամը հաղթահարելու համար Չինաստանի իշխանությունները դիմեցին կտրուկ քայլերի՝ վերանայելով արտահանման սուբսիդավորման համակարգը. 2026 թ. ապրիլի 1-ից ամբողջությամբ չեղարկվել է արևային արտադրանքի արտահանման ԱԱՀ-ի 9%-անոց վերադարձը: Մարտկոցների համար ԱԱՀ-ի վերադարձը կրճատվել է մինչև 6%, իսկ 2027 թ. հունվարի 1-ից այն նույնպես ամբողջությամբ կվերացվի: Այս փոփոխությունների շեմին՝ 2026 թվականի մարտին, եվրոպական մի շարք երկրներ (Ֆրանսիա, Իտալիա, Լեհաստան, Ռումինիա) ռեկորդային ծավալներով չինական վահանակներ գնեցին՝ փորձելով հասցնել մինչև թանկացումները: Այնուամենայնիվ, հարկային նոր քաղաքականությունը, արծաթի գնի բարձրացումը և աշխարհաքաղաքական լարվածությունը առաջիկայում կարող են հանգեցնել արևային էներգիայի բաղադրիչների զգալի թանկացման ողջ աշխարհում:
Հայաստանում արևային պանելներ արտադրող առաջին և միակ ընկերությունը Սոլարոնն է։
Տեղադրե՛ք SolarOn արևային կայան և զրոյացրեք էլեկտրաէներգիայի ծախսը։
Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։
Զանգահարեք 8757, 010 440055
էլ. փոստ ֊ [email protected]
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
ՔՊ-ականներն ահաբեկում են անգամ անչափահասներին. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
«Հրապարակ». Հավաքին մասնակցելու համար ազատել են պաշտոնից
Միջնորդություն է ներկայացվել ԿԸՀ՝ Թևանյանի նկատմամբ հետապնդում հարուցելու համաձայնություն ստանալու
Մյասնիկյան պողոտայում բախվել են 2 «BMW» և «Hyundai Elantra»-ն. վերջինն էլ բախվել է ծառին. կա վիրավոր
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է
Իշխանությունների թիրախում են ակտիվ արցախցիները. «Հրապարակ»