Նոր սկանդալ առողջապահության ոլորտում․ դիպլոմ՝ առանց կրթության․ «Ժողովուրդ»
«Ժողովուրդ» օրաթերթը գրում է. «ՀՀ առողջապահության նախարարության օրենսդրական փոփոխություններից հետո, երբ հիվանդանոցների տնօրենների համար բժշկական կրթությունն այլևս պարտադիր չէ, համակարգում ի հայտ է եկել ուշագրավ գործընթաց․ պետական ենթակայության մի շարք բժշկական կազմակերպությունների տնօրեններ ընդունվել են Ալեքսանդր Բազարչյանի կողմից ղեկավարվող ՀՀ ԱՆ «Ակադեմիկոս Ս․ Ավդալբեկյանի անվան առողջապահության ազգային ինստիտուտի» կլինիկական օրդինատուրա՝ «Հանրային առողջապահություն» մասնագիտությամբ։ Խոսքը 1 տարի 2 ամիս տևողությամբ առկա ուսուցման մասին է, մինչդեռ այդ անձինք միաժամանակ ղեկավարում են բժշկական կենտրոններ, իսկ նրանցից մի մասը նաև զբաղվում է քաղաքական գործունեությամբ։
Ի պատասխան «Առողջության իրավունք» ՀԿ նախագահ Անուշ Պողոսյանի բարձրաձայնումների՝ Առողջապահության ազգային ինստիտուտի կողմից հնչել է պարզաբանում, թե «ուշ ժամերին» և հանգստյան օրերին են կազմակերպվում կրթական գործընթացները։ Եվ այս բացատրությունը ոչ թե փակում, այլ ավելի է խորացնում հարցերը։
Եթե Ալեքսանդր Բազարչյանի կողմից կազմակերպվող ուսուցումն իսկապես առկա է, ապա ե՞րբ և ինչպե՞ս են տնօրենները հաճախում դասերին՝ հիվանդանոցները կառավարելուն զուգահեռ։ Եթե դասերն անցկացվում են աշխատանքային ժամերից դուրս, արդյո՞ք դասախոսները ստանում են արտաժամյա վարձատրություն, ո՞ր բյուջեից և ինչպե՞ս է դա ձևակերպվում։ Իսկ եթե չեն հաճախում կրթական հաստատություն, ապա ինչպե՞ս են ձևավորվում մասնագիտական որակավորումները։ Ալեքսանդր Բազարչյանը պետք է մանրամասն պատասխանի հարցերին, թե քանի դիպլոմ է մինչ օրս բաժանվել, և ինչ իրական որակավորում են ստացել կրթություն ստացած անձինք։
ՀՀ առողջապահության նախարարությունը, Առողջապահության ազգային ինստիտուտը, Պետական վերահսկողական ծառայությունն ու տեսչական մարմինները պարտավոր են պարզաբանել՝ սա իրական առկա կրթությո՞ւն է, թե՞ համակարգի ներսում դիպլոմների ձևական տրամադրման մեխանիզմ, որպեսզի թղթի վրա ամեն ինչ կարգին լինի։
Այս մասով մեր հարցումների պատասխանները՝ առաջիկայում»։
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
ՔՊ-ականներն ահաբեկում են անգամ անչափահասներին. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
«Հրապարակ». Հավաքին մասնակցելու համար ազատել են պաշտոնից
Միջնորդություն է ներկայացվել ԿԸՀ՝ Թևանյանի նկատմամբ հետապնդում հարուցելու համաձայնություն ստանալու
Մյասնիկյան պողոտայում բախվել են 2 «BMW» և «Hyundai Elantra»-ն. վերջինն էլ բախվել է ծառին. կա վիրավոր
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է
Իշխանությունների թիրախում են ակտիվ արցախցիները. «Հրապարակ»