Էկրան կբարձրանա Վարդանանց պատերազմի մասին պատմող «Պայքար հանուն հավատքի» ֆիլմը. «Ժողովուրդ»
«Ժողովուրդ» օրաթերթը գրում է. «Բազմիցս անդրադարձել ենք սփյուռքի մեր հայրենակիցների ջանքերով հայկական մշակույթի տարածմանն ուղղված նախաձեռնություններին։ Գործարար հայրենակիցների աջակցությամբ աշխարհի գրադարաններում, կինոթատրոններում և համացանցի օտարալեզու սեգմենտում պարբերաբար հայտնվում են հայկական մշակույթին ու պատմությանը վերաբերող նյութեր։
Մեզ հայտնի դարձավ, որ առաջիկայում էկրան կբարձրանա 451 թվականի՝ Վարդանանց պատերազմի պատմական շրջանի մասին պատմող բարձրորակ խաղարկային ֆիլմ։ Այն ներկայացնելու է պատմական այդ բարդ ժամանակաշրջանում հայ ժողովրդի պայքարը՝ հանուն սեփական հավատքի, եկեղեցու և ինքնության։
Մեզ փոխանցեցին, որ տևական ժամանակ նկարահանվող այս ֆիլմի ստեղծումը հնարավոր է դարձել գործարար Արթուր Սողոմոնյան-ի աջակցությամբ։ Նրա հովանավորած ֆիլմերի շարքում այս նախագիծը, ըստ մեզ փոխանցված տեղեկությունների, առանձնահատուկ տեղ է զբաղեցնում թե՛ իր բարձր որակով, թե՛ դերասանական յուրօրինակ խաղով, թե՛ ստեղծագործական թիմի նվիրական աշխատանքով։
Ֆիլմը հավակնում է դառնալ լայն տարածում ստացող նախագիծ։ Այն նախատեսվում է ներկայացնել տարբեր լեզուներով, իսկ մասշտաբային էֆեկտները կարող են հետաքրքրություն առաջացնել նաև երեխաների և պատանիների շրջանում։
Ֆիլմը նկարահանվում է ռուսաստանաբնակ գործարար, «Փյունիկ» ֆուտբելային ակումբի նախկին սեփականատեր Արթուր Սողոմոնյան-ի աջակցությամբ։ Սցենարիստը Արմեն Վաթյան-ն է, ռեժիսորը՝ Վագա Վարդանյան-ը։ Ի դեպ, ֆիլմի պրոդյուսերն է Տիգրան Մանասյան-ը։
Ամենայն հավանականությամբ, ֆիլմը էկրան կբարձրանա հուլիս ամսին։ Այս տեղեկությունը հրապարակում ենք այսօր, քանի որ 451 թվականի հենց այս օրը՝ մայիսի 26-ին, Ավարայրի հերոսական ճակատամարտի օրն է։ Խորհրդանշական այս օրվա գայթակղությանը դժվար էր դիմանալ և չհրապարակել մեզ հասած տեղեկությունը»։
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
«Հրապարակ»․ ՊԵԿ-ում մինչև ուշ գիշեր Ծառուկյանի բիզնեսներն են ստուգում
Դամասկոսում՝ Մակրոնի հանգրվանած հյուրանոցի մոտակայքում, պայթnւցիկ սարքեր են գործարկվել
«Ժողովուրդ». Խոսնակի թեժ մրցույթ. Փաշինյանը նոր թեկնածուներ է դիտարկում
Ֆրանսիայում անտառային հրդեհների հետևանքով մոտ 10 հազար մարդ է տարհանվել
Զելենսկին հայտարարել է, որ պատերազմի ելքը որոշելու է «երկինքը», և Պուտինին սպառնացել է Մոսկվա ուղարկ...
Սևանում բախվել է 4 մեքենա․ կան վիրավnրներ
Դատախազությունը միջնորդագիր է ներկայացրել «Սևան» ազգային պարկ» ՊՈԱԿ-ին՝ Սևանա լճի ափամերձ՝ 3100 քմ մ...
Իշխանությունն իր արտաքին հովանավորներից ստացել է ազդանշան՝ անցնելու ագրեսիվ քաղաքական գործողությունն...
«Իրավունք». «Սուսերով» մարտի է դուրս եկել Արուսյակ Ջուլհակյանը, բայց վերջին խոսքը շեֆինն է