Մայիսին ՀՀ է այցելել 10%-ով ավելի շատ զբոսաշրջիկ, քան նախորդ տարվա նույն ժամանակահատվածում

2026 թվականի մայիսին Հայաստանի Հանրապետություն է այցելել 199,541 զբոսաշրջիկ։ Այս մասին հայտնում է Զբոսաշրջության կոմիտեի մամուլի ծառայությունը։

«Ցուցանիշը 2025 թվականի նույն ժամանակահատվածի համեմատ աճել է շուրջ 10 %ով (181 436 զբոսաշրջիկ)»,- ասված է հաղորդագրությունում։

Ըստ պաշտոնական տվյալների՝ ապրիլին այցելել է 172 705 զբոսաշրջիկ։

Հրապարակված տվյալների համաձայն՝ հունվար-մայիս ամիսներին այցելել է 825 384 զբոսաշրջիկ, իսկ 2025 թվականին նույն ժամանակահատվածում ՀՀ այցելել էր 691 882 անձ։