Առաջին անգամ Իրանը դժnխքի պես հարգում է ԱՄՆ-ին, իսկ ԱՄՆ Սենատը որոշում է կայացնում անցկացնել անիմաստ «Ռшզմական լիազորությունների մասին օրենքի» քվեարկություն. Թրամփ

Առաջին անգամ Իրանը դժոխքի պես հարգում է ԱՄՆ-ին, իսկ ԱՄՆ Սենատը որոշում է կայացնում անցկացնել անիմաստ «Ռազմական լիազորությունների մասին օրենքի» քվեարկություն: Այս մասին Truth Social-ի իր էջում գրել է ԱՄՆ նախագահ Դոնալդ Թրամփը:

«Այսպիսով, ես Իրանին ծնկի եմ բերել, նրանք պատրաստ են տապալվելու, պատրաստ են մեզ տալ գործնականում ամեն ինչ, և տասնամյակների ընթացքում առաջին անգամ նրանք դժոխքի պես հարգում են ԱՄՆ-ին և նրա նախագահին՝ ինձ, իսկ ԱՄՆ Սենատը որոշում է կայացնում անցկացնել ոչ պատշաճ ժամանակին և անիմաստ «Ռազմական լիազորությունների մասին օրենքի» քվեարկություն՝ աշխարհի ահաբեկչության թիվ մեկ հովանավորին ասելով, որ ԱՄՆ-ին դուր չի գալիս այն, ինչ ես անում եմ նրանց հետ, և ես պետք է դադարեցնեմ, և դրանով իսկ օգնություն և աջակցություն են ցուցաբերել Թշնամուն:

Չորս հանրապետական անհաջողակներ քվեարկեցին «Հիմարոկրատների» (Dumocrats) հետ, և Իրանը հարցրեց իմ մարդկանց. «Ի՞նչ է այդ ամենը նշանակում»: Այս սենատորներն ուղղակի ավելի դժվարացրեցին իմ աշխատանքը, բայց ես դա կանեմ՝ այս կամ այն կերպ, որովհետև ես միշտ անում եմ այն, ինչ պետք է անել»,- գրել է Թրամփը:

Հիշեցնենք, որ ավելի վաղ ԱՄՆ Սենատը հավանություն է տվել Ներկայացուցիչների պալատի կողմից ավելի վաղ ընդունված բանաձևին, որը կոչ է անում երկրի նախագահ Դոնալդ Թրամփին դադարեցնել ամերիկյան զինված ուժերի օգտագործումը Իրանի դեմ մարտական գործողություններ վարելու համար: