Կազան՝ նոր օդային ուղի երևանից դեպի Ռուսաստան FlyOne Armenia-ի չվացուցակում

FLYONE ARMENIA-ն՝ հայկական առաջին ազգային ավիաընկերությունը, հայտարարում է Երևան–Կազան–Երևան ուղղությամբ կանոնավոր ուղիղ չվերթերի մեկնարկի մասին՝ շարունակելով ընդլայնել իր միջազգային երթուղային ցանցը և ամրապնդել Հայաստանի ու Ռուսաստանի միջև օդային կապը։

2026 թվականի հուլիսի 3-ին «Զվարթնոց» միջազգային օդանավակայանում տեղի է ունեցել նոր ուղղության մեկնարկին նվիրված պաշտոնական արարողությունը։

Նոր ուղղությունը լրացուցիչ հնարավորություններ է ստեղծում Հայաստանից դեպի Կազան և Կազանից դեպի Երևան ուղևորվող ճանապարհորդների համար՝ ապահովելով հարմարավետ ուղիղ օդային կապ Հայաստանի մայրաքաղաքի և Ռուսաստանի խոշոր քաղաքներից մեկի միջև։

Երևան–Կազան–Երևան ուղղությամբ կանոնավոր չվերթերը կիրականացվեն շաբաթական երկու անգամ՝ երկուշաբթի և ուրբաթ օրերին։

Տոմսերը հասանելի են flyone.am կայքում և FLYONE բջջային հավելվածում։
FlyOne Armenia-ի մասին․
FLYONE ARMENIA-ն (www.flyone.am) Հայաստանի Հանրապետության առաջատար ավիափոխադրողն է, որը հիմնադրվել է 2021 թվականին։ Ներկայում ավիաընկերությունն իրականացնում է թռիչքներ 31 ուղղություններով՝ դեպի Եվրոպայի, ԱՊՀ և Մերձավոր Արևելքի երկրներ՝ շարունակաբար ընդլայնելով իր երթուղային ցանցը։
Գործունեության մեկնարկից ի վեր FLYONE ARMENIA-ն փոխադրել է ավելի քան 3,5 միլիոն ուղևոր։ Ավիաընկերությունը շահագործում է Airbus A320/321 ընտանիքի ժամանակակից օդանավեր, որոնք լիովին համապատասխանում են Օդային տրանսպորտի միջազգային ասոցիացիայի (IATA) և Եվրոպական ավիացիոն անվտանգության գործակալության (EASA) անվտանգության չափանիշներին։