Շնորհավորական ուղերձ Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի 75-ամյա հոբելյանի առթիվ․ Սամվել Կարապետյան

Վեհափա՛ռ Տեր,

Սրտանց շնորհավորում եմ Ձեզ ծննդյան օրվա առթիվ։

Այս տարին առանձնահատուկ փորձությունների ժամանակաշրջան է դարձել Հայ Առաքելական Սուրբ Եկեղեցու և անձամբ Ձեզ համար։ Սակայն այս ամբողջ ընթացքում Ձեր պահվածքը եղել է իսկական հավատավորի և հոգևոր առաջնորդի պահվածք՝ զուսպ ու վեհ, առանց չարությանը չարությամբ պատասխանելու, առանց Ձեր կոչումից ու առաքելությունից շեղվելու։

 

Փորձության պահին է առավել հստակ երևում մարդու հավատքի ուժն ու արժանապատվությունը։ Դուք այդ փորձությունների միջով անցնում եք հանդարտությամբ և հաստատակամությամբ՝ պահպանելով Հայոց Հայրապետի բարձր կոչմանը վայել կեցվածք։

 

Դարեր շարունակ Հայ Առաքելական Սուրբ Եկեղեցին եղել է մեր ժողովրդի ինքնության, միասնության և հարատևության գլխավոր հենասյուներից մեկը։ Եվ այսօր Եկեղեցու արժանապատվությունն ու անկախությունը պաշտպանելը նշանակում է պաշտպանել մեր հավատը, մեր պատմական հիշողությունն ու ազգային ինքնությունը։

 

Վստահ եմ՝ ժամանակն ամեն ինչ դնում է իր տեղը։ Մնում են հավատքը, արժանապատվությունը և այն ծառայությունը, որ մարդ մատուցել է իր ժողովրդին ու Եկեղեցուն։

 

Մաղթում եմ Ձեզ քաջառողջություն, ուժ և տոկունություն՝ շարունակելու Ձեր հայրապետական առաքելությունը՝ ի բարօրություն Հայաստանյաց Առաքելական Սուրբ Եկեղեցու, Հայաստանի և աշխարհասփյուռ հայության։

Թող Մայր Աթոռ Սուրբ Էջմիածինը մշտապես մնա անսասան, իսկ Ձեր ծառայությունը՝ հավատքի, համախմբման և ազգային արժանապատվության օրինակ։

 

Աստված պահապան Ձեզ և Հայ Առաքելական Սուրբ Եկեղեցուն:

Որդիական խոնարհութեամբ և ջերմությամբ մատչիմ ի համբոյր

Ձերդ Սրբութեան Օծեալ Սուրբ Աջոյն`

Սամվել Կարապետյան