Շրջայց Gyurjyan Cascade և Firdus Prime Residence թաղամասերում. ներկայացվել են շինարարական աշխատանքների ընթացքն ու առաջիկա ծրագրերը

Վերջին տարիներին Երևանում կառուցապատման աշխատանքները զգալի ակտիվություն են ցուցաբերում։ Մայրաքաղաքի տարբեր հատվածներում կառուցվում են նոր բնակելի թաղամասեր, արդիականացվում են քաղաքային ենթակառուցվածքները, իսկ անշարժ գույքի շուկան շարունակում է արձագանքել բնակարանների նկատմամբ աճող պահանջարկին։

Քաղաքաշինության ոլորտի մասնագետների գնահատմամբ՝ ժամանակակից բնակելի նախագծերն այսօր մրցում են ոչ միայն ճարտարապետական լուծումներով, այլև առաջարկվող միջավայրով, ենթակառուցվածքներով, շինարարության որակով և գնորդների համար ստեղծվող երկարաժամկետ արժեքով։

Այս համատեքստում «Արտքոմփանի» ընկերության տնօրեն Վահե Պետրոսյանը և վաճառքի գործընկեր «Արգո Ռիելթի» ընկերության տնօրեն Արայիկ Գոջաբաշյանը շրջայց են կատարել Gyurjyan Cascade և Firdus Prime Residence բնակելի թաղամասերում։

Շրջայցի ընթացքում ներկայացվել են շինարարական աշխատանքների ընթացքը, նախագծերի զարգացման փուլերը և առաջիկա ծրագրերը։ Երկու թաղամասերում էլ աշխատանքներն ընթանում են սահմանված ժամանակացույցով՝ ժամանակակից քաղաքաշինական սկզբունքներին համապատասխան։

Gyurjyan Cascade-ում ձևավորվում է նոր բնակելի միջավայր՝ կանաչ տարածքներով, ժամանակակից ենթակառուցվածքներով և բնակիչների առօրյան առավել հարմարավետ դարձնելու լուծումներով։

Իսկ Firdus Prime Residence-ը, որը կառուցվում է Երևանի կենտրոնում, առանձնանում է իր պրեմիում դասի ճարտարապետությամբ, բազմաֆունկցիոնալ քաղաքային միջավայրի գաղափարով և Երևանի նոր կենտրոնը դառնալու՝ իր առջև դրված բարձր նշաձողոց։ Քաղաքաշինական այս ծրագիրն արժանացել է Կառուցապատողների հայկական ասոցիացիայի պրեմիում դասի սերտիֆիկատի։

Մանրամասները՝ տեսանյութում։