ԶՊՄԿ-ն՝ «ԲանՈՒԳործ» էքսպոյում

Ապագայի մասնագիտությունները ձևավորվում են այսօր, իսկ դրանց հնարավորությունները՝ աշխատաշուկայում։

 Զանգեզուրի պղնձամոլիբդենային կոմբինատը աջակցել է մայր բուհի կազմակերպած «ԲանՈՒԳործ․ ԵՊՀ էքսպո-2026» կարիերայի միջոցառմանը՝ ընդգծելով կրթության և գործատուի միջև ամուր կապի կարևորությունը։

 Էքսպոյի շրջանակում ԶՊՄԿ գլխավոր տնօրենի առաջին տեղակալ Վարդան Ջհանյանը ԵՊՀ ռեկտոր Հովհաննես Հովհաննիսյանի և Աշխատանքի և բարեկեցության նախարար Արսեն Թորոսյանի հետ շրջել է տաղավարներով, ծանոթացել ուսանողների նախագծերին և մասնակցել պանելային քննարկմանը։

 Ուսանողների հետ հանդիպման ընթացքում նա ընդգծել է, որ ժամանակակից հանքարդյունաբերությունը տեխնոլոգիաների, գիտելիքի և բարձր մասնագիտական հմտությունների ոլորտ է՝ երիտասարդների համար ստեղծելով մասնագիտական աճի բազմաթիվ հնարավորություններ։

 Գիտահեն և տեխնոլոգիական այս ոլորտի զարգացումը պահանջում է բարձրակարգ ու ճկուն մասնագետներ, իսկ նրանց պատրաստման գործում առանցքային է բուհերի և գործատուների սերտ համագործակցությունը։

Այս համագործակցությանն են ուղղված ԶՊՄԿ-ի և ԵՊՀ-ի համատեղ նախաձեռնությունները՝ ուսանողական պրակտիկաները, «Պատանի երկրաբան» ամառային դպրոցը և կրթական այլ ծրագրեր։

 Կրթությունից դեպի մասնագիտություն, մասնագիտությունից՝ իրական աշխատանք։ ԶՊՄԿ-ն շարունակելու է աջակցել երիտասարդների մասնագիտական զարգացմանն ու աշխատաշուկա մուտք գործելու հնարավորությունների ընդլայնմանը։