«Աֆեյան նախաձեռնություններ Հայաստանի համար» հիմնադրամը դրամաշնորհ է տրամադրել «Հայաստանի կրթական նախաձեռնություն» կրթական հիմնադրամին՝ «Սերունդ» ծրագիրն ընդլայնելու համար

«Աֆեյան նախաձեռնություններ Հայաստանի համար» հիմնադրամը «Հայաստանի կրթական նախաձեռնություն» հիմնադրամին տրամադրել է դրամաշնորհ դպրոցների զարգացմանն ուղղված իր «Սերունդ» ծրագիրն ընդլայնելու նպատակով։ «Սերունդը» Հայաստանի կրթական համակարգում դասավանդման և ուսումնառության արդյունքների բարելավմանն ուղղված առանցքային ծրագիր է։ 

Համագործակցության մեկնարկը պաշտոնապես նշանավորվել է ՀԿՆ գրասենյակում տեղի ունեցած ստորագրման արարողությամբ։ 

Դրամաշնորհը «Հայաստանի կրթական նախաձեռնություն» հիմնադրամին թույլ կտա  «Սերունդ» ծրագիրն իրականացնել Հայաստանի 7 մարզերի հանրակրթական ևս 10 դպրոցներում, որոնք ԿԳՄՍ նախարարության կողմից ընտրվել են որպես զարգացման առաջնահերթ կարիք ունեցող դպրոցներ։ 

Ընդլայնելով ազդեցությունը Հայաստանի ամբողջ տարածքում 

2025 թվականի սեպտեմբերի դրությամբ «Սերունդ» ծրագիրն ընդգրկել է ավելի քան 1,600 աշակերտի, 190 ուսուցչի, 16 դպրոցների տնօրենների և ավելի քան 3,000 ծնողի՝ ձևավորելով Հայաստանի 5 մարզերում գործող դպրոցների և մանկապարտեզների ցանց։ 

ԱՆՀՀ աջակցությամբ ծրագիրն այժմ կընդլայնվի՝ ներառելով նոր դպրոցներ և ներդնելով դպրոցների զարգացման արդյունավետ ու ապացուցված մեթոդներ կրթական աջակցության առավել մեծ կարիք ունեցող համայնքներում։ Ծրագրի ընդլայնումը կնպաստի դասավանդման որակի, աշակերտների ներգրավվածության և դպրոցների ղեկավարության կարողությունների ամրապնդմանը Հայաստանի հանրակրթական համակարգում։ 

Ներդրում Հայաստանի կրթական ապագայի մեջ 

Դրամաշնորհն արտացոլում է Հայաստանի կրթական հաստատությունների զարգացման և ապագա սերունդների համար երկարաժամկետ հնարավորությունների ստեղծման նպատակով նորարարական լուծումներին աջակցելու հանձնառությունը։ 

«Կրթությունը երկրի ապագայի մեջ կատարվող կարևորագույն ներդրումներից է։ ՀԿՆ-ին և «Սերունդ» ծրագրին մեր աջակցությամբ մենք նպաստում ենք կրթական որակյալ միջավայրի հասանելիության ընդլայնմանը և Հայաստանի դպրոցների ու համայնքների կարողությունների ամրապնդմանը», - նշել է «Աֆեյան նախաձեռնություններ Հայաստանի համար» հիմնադրամի գործադիր տնօրեն Իրինա Սեյլանյանը։ 

«Մենք շնորհակալ ենք ԱՆՀՀ-ին գործընկերության և կրթության մեջ փոփոխություններ կատարելու մեր ներուժի հանդեպ վստահության համար։ Այս աջակցությունը մեզ կտա «Սերունդ» ծրագրի ազդեցությունն ընդլայնելու հնարավորություն՝ այն հասանելի դարձնելով ավելի շատ դպրոցների և համայնքների, աջակցելով ուսուցիչներին, աշակերտներին և ընտանիքներին։ Դրամաշնորհը կօգնի հանուն երեխաների իրականացվող մեր աշխատանքին՝ ուղղված ավելի լավ արդյունքների ու երկարաժամկետ փոփոխությունների ապահովմանը», - նշել է «Հայաստանի կրթական նախաձեռնություն» հիմնադրամի հիմնադիր և գործադիր տնօրեն Լարիսա Հովհաննիսյանը։ 

ԱՆՀՀ-ն և ՀԿՆ-ն կշարունակեն համագործակցել կրթական հնարավորությունների ընդլայնման, տեղական առաջնորդության զարգացման և Հայաստանի երկարաժամկետ առաջընթացին նպաստող նախաձեռնությունների շուրջ։ 

«Աֆեյան նախաձեռնություններ Հայաստանի համար» հիմնադրամի մասին

«Աֆեյան նախաձեռնություններ Հայաստանի համար» հիմնադրամը «Աֆեյան» հիմնադրամի հայաստանակենտրոն ճյուղն է: Հիմնադրամը ստեղծվել է ավելի կենսունակ, տոկուն և բարգավաճ Հայաստան կառուցելու նպատակով՝ խթանելով Հայաստանի կրթական, գիտական, տեխնոլոգիական և մշակութային վերափոխումը: Ավելին՝ www.aifa.org.

«Հայաստանի կրթական նախաձեռնություն» հիմնադրամի մասին 

«Հայաստանի կրթական նախաձեռնություն»-ը նպաստում է կրթության համակարգային փոփոխություններին։ Կազմակերպության հիմնական ծրագրերն են «Դասավանդի՛ր հանուն Հայաստանի», «Սերունդ», «Ուսուցչական առաջնորդություն» մագիստրոսական ծրագիրը, Ուսուցիչների որակավորման 30 կրեդիտի ծրագիրը, «Կայծ» սոցիալական նորարարության ինկուբատորը և Հանրային քաղաքականության լաբորատորիան։ Այս նախաձեռնությունները միասին նպաստում են կրթության ոլորտում առաջնորդության և նորարարության զարգացմանը, ինչպես նաև տվյալների վրա հիմնված քաղաքականության մշակմանը՝ ամեն տարի բարելավելով ավելի քան 20,000 աշակերտի ուսումնառության փորձառությունը։ ՀԿՆ-ի տեսլականն է՝ կրթության ոլորտում Հայաստանի առաջատար դիրք զբաղեցնող երկիր դառնալն աշխարհում։ Ավելին՝ www.armeniaeducationinitiative.org։